Gudhi Padwa 2025: आई तुळजाभवानी देवीच्या शीखरावर महाराष्ट्रातील पहिली गुढी उभारली, PHOTOS

Gudhi Padwa 2025: तुळजाभवानी मंदिरावर गुढी उभारल्यानंतर तुळजापुरात घरोघरी उभी राहते गुढी

Gudhi Padwa

नववर्षाची महाराष्ट्रातील पहिली गुढी कुलस्वामिनी आई तुळजाभवानी मातेच्या कळसावर उभारण्यात आली. विधिवत पुजाकरत देवीच्या महंत, पुजाऱ्यानी गुढी उभारली.

साडेतीन शुभ मुहूर्त पैकी आजचा एक शुभ मुहूर्त असल्याने व मराठी नवीन वर्षाची आज सुरुवात होत असल्याने देवीची शिवकालीन दागिने घालुन अलंकार पुजा करण्यात आली.

देवीची पहाटे 5 वाजता आरती करुन तुळजाभवानी मंदिराच्या शिखरावर विधीवत पुजा करुन गुढी उभारण्यात आली.

तुळजापूर मंदीरावर गूढी उभारण्यात आल्यानंतर तुळजापूर शहरात नागरीक गुढी उभी करतात.

दरम्यान पुढच्या वर्षीची गुढी ही मंदीराच्या शिखरावर उभी राहु दे अशी प्रार्थना गुढी समोर महंतानी केलीय.

तुळजाभवानी मातेचे मुख्य पुजारी महंत तुकोजी बुवा,वाकोजी बुवा यासह पुजारी भक्तांच्या उपस्थितीत गुढी उभारून देवीला साखरेचा हार अर्पण केला. तुळजाभवानीचे दर्शन घेण्यासाठी भाविकांनी मोठ्या प्रमाणात गर्दी केली होती.

देवीच्या विधिवत पुजा आज पार पडल्या. देवीला गुढी पाडव्याला खास साखरेचा हार ही घालण्यात आला.