Shrawan Somwar : शेवटचा श्रावण सोमवार, परळीतील वैद्यनाथ मंदिरात भाविकांची गर्दी

Shrawan Somwar 2023 : श्रावण महिन्यातील आज शेवटचा सोमवार असल्याने राज्यभरातील महत्वाच्या मंदिरात भाविकांची गर्दी पाहायला मिळत आहे.

Shrawan Somwar 2023

देशातील बारा ज्योतिर्लिंगापैकी एक असलेल्या परळीतील प्रभू वैद्यनाथांच्या दर्शनासाठी श्रावण महिन्याच्या शेवटच्या म्हणजेच चौथ्या सोमवारी भाविकांची मोठी रीघ लागली आहे.

मंदिरात पहाटेपासूनच प्रभू वैद्यनाथांचे दर्शन घेण्यासाठी भाविकांची गर्दी झाली होती.

भाविक भक्तांच्या गर्दीने वैद्यनाथ मंदिर परिसर फुलला आहे. राज्य व परराज्यातून भाविक परळीत दाखल झाले आहेत.

पाचवे ज्योतिर्लिंग असलेल्या परळीच्या श्री प्रभु वैद्यनाथ ज्योतिर्लिंग दर्शनासाठी श्री वैद्यनाथ देवस्थान ट्रस्टच्या वतीने पूर्ण मंदिराला आकर्षक विद्युत रोषणाई करण्यात आली आहे.

तसेच मंदिर परिसरात फुलांचे दुकाने सजली असून, भाविकांची देखील गर्दी पाहायला मिळत आहे.

मंदिर परिसराला पोलिसांची कडेकोट सुरक्षा व्यवस्था पाहायला मिळत आहे.

मंदिर परिसरात देवस्थान ट्रस्टच्या वतीने सी. सी. टी. व्ही कॅमेऱ्यांची नजर असणार आहे.

कुठलाही अनुचित प्रकार होऊ नये यासाठी जिल्ह्यातील पोलीस प्रशासन काळजी घेताना दिसत आहे.