डेटिंगबाबत ट्विंकल खन्नाचा मुलांना खास सल्ला; अभिनेत्री म्हणाली, 'मुलगा खूप सभ्य आहे पण..'

Twinkle Khannas Bold Parenting Advice: ट्विंकल खन्ना तिच्या बेधडक वक्तव्यांमुळे पुन्हा चर्चेत. मुलांना दिला डेटिंग सल्ला.

Twinkle Khanna Shares Dating Advice for Her Children Aarav and Nitara

Twinkle Khannas Bold Parenting Advice: अभिनेत्री ट्विंकल खन्ना तिच्या बेधडक विधानांसाठी चर्चेत असते. ट्विंकल खन्नाला दोन मुले आहेत. आरव आणि नितारा.

अक्षय आणि ट्विंकल खन्नाच्या दोन्ही मुलांचे व्यक्तिमत्व खूप वेगळे आहे. तिनं आपल्या मुलांना रिलेशनशिपबाबत सल्ला दिला आहे.

ट्विंकल खन्नाला विचारण्यात आले की, ती तिच्या दोन्ही मुलांना डेटिंगबाबत काय सल्ला देईल, तेव्हा ती म्हणाली, "तुम्ही मुलांच्या आधी व्यक्तिमत्वाकडे लक्ष दिले पाहिजे. त्यानुसार मुलांना तुम्ही सल्ला द्यायला हवा".

"माझा मुलगा खूप शांत आहे. केवळ डेटिंग नाही तर, तो मित्रांसोबतही शांत राहतो. मी नेहमीच माझ्या मुलाला एक मर्यादा पाळायला सांगते".

"कारण माझा मुलगा आरव इतका सभ्य आहे की, त्याचा लोक फायदा घेऊ शकतात", असं ट्विंकल म्हणाली.

दरम्यान, तिची मुलगी नितारासाठी तिचा एक वेगळा सल्ला आहे. ट्विंकल म्हणाली, "माझी मुलगी फक्त 13 वर्षांची आहे. तिनं थोडे कमी अग्रेसिव्ह असले पाहिजे. डेटिंग असो, मैत्री असो किंवा नातेसंबंध, सल्ला दोघांना सारखाच आहे".

"दोघांनी बाऊंड्री आखायला हवी. मुलाने थोडे अधिक अग्रेसिव्ह असले पाहिजे. तर, मुलीने कमी अग्रेसिव्ह असले पाहिजे", असं तिनं एका मुलाखतीत म्हटलं आहे.

ट्विंकल आणि अक्षय कुमार यांचे 17 जानेवारी 2001 रोजी लग्न झाले. दोघांना आरव आणि नितारा अशी दोन मुले आहेत. दोन्ही मुले लाईमलाईटपासून दूर राहतात.