In Pics : 'पाठकबाई' फिरताहेत लेह-लडाख ; अक्षया देवधर आणि वीणा जगतापची बकेटलिस्ट पूर्ण

(Phoyo:@veenie.j/IG)

मराठी अभिनेत्री अक्षया देवधर आणि वीणा जगताप लेह-लडाख फिरताना दिसून येत आहेत. वीणाने तिच्या इंस्टाग्राम अकाउंटवर त्यांचे लेह-लडाखमधील फोटो आणि व्हिडीओ शेअर केले आहेत.

अक्षया देवधरची तुझ्यात जीव रंगी रंगली या मालिकेतील पाठकबाईंची भूमिका प्रचंड गाजली होती. तर वीणा जगतापच्या राधा प्रेम रंगी रंगली या मालिकेतील तिच्या भूमिकेवर चाहत्यांनी भरभरुन प्रेम केले होते.

अक्षया आणि वीणा छोट्या पडद्यावरील सर्वांच्या आवडत्या अभिनेत्री आहेत. त्या दोघींना फिरण्याची भयंकर आवड आहे. त्यामुळे लेह-लडाख ट्रीप ही त्यांच्या बकेटलिस्टमध्ये होती. आता या ट्रीपच्या माध्यमातून त्यांची ही ट्रीप पूर्ण झालेली आहे.

वीणाने राधा प्रेम रंगी रंगली या मालिकेनंतर आई माझी काळूबाई या मालिकेत मुख्य भूमिका साकारलेली होती. पण तिने ती भूमिका स्विकारण्याआधी प्राजक्ता गायकवाड ती भूमिका करत होती. पण निर्मात्यांसोबत प्राजक्ताचे वाद झाल्याने या भूमिकेसाठी वीणाची निवड झाली होती. पण थोड्या दिवसांत वीणानेदेखील ती भूमिका सोडल्याचे दिसून आले.

वीणा सोशल मीडीयावर अॅक्टीव्ह असते. तिने या ट्रीपचे फोटो शेअर केल्यानंतर चाहतेदेखील तिचे भरभरुन कौतुक करत आहेत. तिने सोशल मीडियावर ट्रीप संदर्भातील रिल्सदेखील पोस्ट केले आहेत.

तिने कूल फोटो शेअर करत त्यावर कॅप्शनदेखील लिहिले आहेत. हर मंजिल की एक पहचान होती है...और हर सफल की एक कहानी अशा पद्धतीचे विचारपूर्वक कॅप्शनदेखील तिने लिहिले आहेत.

वीणा जगतापने बिग बॉस मराठीचे दुसरे पर्व गाजवले होते. शिव ठाकरे आणि वीणा जगतापची जोडी चाहत्यांच्या आवडीची ठरते. त्या दोघांच्या नावाचे सोशल मीडियावर अनेक अकाउंट्स आहेत.