Rahul Deshpande: घटस्फोटानंतर ट्रोलिंगचा सामना; नेहमी कमी बोलणाऱ्या राहुल देशपांडेंनी मनातलं सगळं सांगितलं, म्हणाले...

Rahul Deshpande divorce reason: घटस्फोटाच्या घोषणेनंतर राहुल देशपांडेंनी मुलाखतीत प्रतिक्रिया दिली.

Rahul Deshpande breaks silence on his divorce and trolling

प्रसिद्ध गायक आणि अभिनेते राहुल देशपांडे सध्या त्यांच्या वैयक्तिक आयुष्यामुळे चर्चेत आहे. त्यांनी पत्नी नेहाला घटस्फोट दिला. अलिकडेच दिलेल्या मुलाखतीत राहुल देशपांडेंनी घटस्फोटाविषयी मनमोकळेपणाने भाष्य केलं आहे.

लग्नाच्या 17 वर्षांनंतर दोघांनीही विभक्त होण्याचा निर्णय घेतला. त्यांना रेणुका नावाची मुलगी आहे. घटस्फोट घेतल्यानंतर राहुल देशपांडे हे प्रचंड चर्चेत आले होते. त्यांना प्रचंड ट्रोलिंगचा सामना करावा लागला होता.

पत्नी नेहाशी घटस्फोट घेतल्यानंतर त्यांना अनेकांचे फोन आले होते, परंतु, त्यांनी एकही कॉल उचलला नाही. ट्रोलिंगवरही त्यांनी प्रतिक्रिया दिली आहे.

मित्र म्हणेला दिलेल्या मुलाखतीत राहुल देशपांडे म्हणाले, 'घटस्फोटानंतर मला ट्रोल करण्यात आलं. मी पोस्ट अपलोड केली होती. मला खूप फोन आले होते. मी एकही फोन रिसिव्ह केला नाही. मला तेव्हा कुणाशीच बोलायचं नव्हतं. हा माझा वैयक्तिक विषय आहे'.

'फोन उचलून मी नेमकं काय बोलणार? मी कसा बरोबर होतो, माझ्यावर अन्याय कसा झाला? हे मी का सांगणार? कारण काही झालेलंच नाही. मग हे सगळं सांगायला मुळात वेळ का घालवायचा?', असंही राहुल देशपांडे म्हणाले.

घटस्फोटाच्या घोषणेनंतर नेहा, रेणुका या दोघींनाही प्रचंड त्रास झाला होता, असं राहुल देशपांडेंनी मुलाखतीत सांगितलं.

'खरंतर ही एक वैयक्तिक गोष्ट आहे. हे कुणाच्याही बाबतीत घडू शकतं. यामुळे दोन्ही व्यक्ती वाईट ठरतात असं नाही. याला कळत नाही का? याचं बाहेर लफडं असेल.. अशा गोष्टींना अंत नाही', असंही राहुल देशपांडे म्हणाले.