Money Heist 5 Review : नव्या सीझनमध्ये जुनाच वेग आणि अधिक रोमांच; सुरु आहे बँकेची लूट

Money Heist 5

मनी हाईस्टच्या पाचवा सीझनचा पहिल्या भाग प्रदर्शित झाला आहे. ज्या प्रकारे प्रेक्षकांना अपेक्षित होतं, जी उत्सुकता होती त्याच प्रकारे अंगावर अगदी रोमांच उभा करणारा हा भाग आहे.

मनी हाईस्ट ही सीरिज मूळ स्पॅनिश मध्ये आहे. त्यामधील प्रोफेसरची भूमिका अल्वारो मॉर्टे यांनी साकारली आहे. या मालिकेतील सर्वांच्याच भूमिका प्रेक्षकांच्या पसंतीस उतरल्या असून त्याचे जगभरात कौतुक केलं जात आहे.

गेल्या 4 सीझनप्रमाणेच पाचवा सीझनही हिंदी, तमिळ आणि तेलुगु भाषेत रिलीज करण्यात आला आहे.

प्रोफेसरची गॅंग बँक ऑफ स्पेनमध्ये असून यामुळे वैतागलेल्या कर्नल तमायोने आता हे प्रकरण लष्कराकडे दिलं आहे.

बँकेमध्ये बंदी असलेल्या आर्थरो रोमनच्या हाताला शस्त्र लागलं आहे आणि आता तो गव्हर्नर सोबत इतर काही लोकांच्या सुटकेसाठी प्रयत्न करतोय.

दुसरीकडे अॅलिसियाने प्रोफेसरचा पत्ता शोधून काढून त्याला बंदी बनवलं आहे.

नेहमी आपल्या प्लॅन बी ने तयार असलेला प्रोफेसर आता कोणती शक्कल लढवणार हे पाहण्यासाठी प्रत्येकजण आतुर आहे.

पाचव्या सीझनचा पाच एपिसोडचा हा पहिला भाग हा प्रेक्षकांना गुंतवून ठेवण्यात यशस्वी झाला आहे.

परंतु पाचव्या सीझनच्या दुसऱ्या भागासाठी चाहत्यांना आणखी वाट पाहवी लागणार आहे. दुसरा भाग 3 डिसेंबरला रीलीज करण्यात येणार आहे.