In Pics : मराठमोळी अभिनेत्री मीरा जोशीची जबरदस्त कामगिरी, 'वर्ल्ड रेकॉर्ड'मध्ये नोंदलं नाव

Marathi Actress Meera Joshi

मराठमोळी अभिनेत्री मीरा जोशीच्या एका जबरदस्त कामगिरीची सध्या चर्चा आहे. तिचं नाव या कामगिरीनं 'वर्ल्ड रेकॉर्ड'मध्ये नोंदलं आहे.

मीरानं भारतातील सर्वात उंच मंदिरांपैकी एक असणाऱ्या उत्तराखंडमधील तुंगनाथाचे अर्थात भगवान शिव मंदिरासमोर तब्बल दोन तास नृत्य केलं आहे.

यामुळं तिनं ‘High Range Book Of World Records’ आणि ‘India Records’मध्ये नाव कोरलं आहे.

मीराने स्वतः सोशल मीडियावर एक व्हिडीओ शेअर करत याबाबत चाहत्यांना माहिती दिली आहे. असा विक्रम करणारी ती पहिलीच अभिनेत्री ठरली आहे.

नृत्याच्या आवडीने आणि भगवान शंकराच्या आशिर्वादाने हे शक्य झाल्याचे मीरा सांगते.

मीराला ट्रेकिंगची देखील आवड आहे. तिने अनेक अवघड ट्रेक देखील केले आहेत.

तुंगनाथ हे उत्तराखंडमध्ये स्थित शिव मंदिर आहे. 16 मार्चला पहाटे तीन वाजता मीराने या ट्रेकला सुरुवात केली होती.

तुंगनाथ मंदिराकडे जाताना ट्रेकदरम्यान या भागात 6 अंश सेल्सिअस तापमान होते. सर्वत्र बर्फाच्या चादरी पसरल्या होत्या, असं मीरानं सांगितलं.

अभिनेत्री मीरा जोशी ही उत्तम नर्तकी देखील आहे. ती आपले नृत्याचे व्हिडीओ सोशल मीडियावर शेअर करत असते.

मीराचे सोशल मीडियावर मोठ्या प्रमाणात चाहते आहेत. (सर्व फोटो मीरा जोशीच्या सोशल मीडिया अकाऊंटवरुन घेतले आहेत.)