India Vs Pakistan सामन्यासाठी बॉलिवूडमध्येदेखील उत्साहाचे वातावरण, श्रद्धा कपूर तिच्या कुटुंबियांसोबत घेणार सामन्याचा आनंद

श्रद्धा कपूर

श्रद्धा कपूर तिच्या कुटुंबियांसोबत आजच्या सामन्याचा आनंद घेणार आहे. तसेच सामन्याच्या दरम्यान ती भारतीय खेळांडूना चिअरदेखील करणार आहे.

श्रद्धा कपूरने कधीही क्रिकेट खेळलेलं नाही. पण तिला क्रिकेटचे सामने बघायला आवडतात. प्रत्येक क्रिकेटप्रेमीसारखे श्रद्धा कपूरलादेखील भारत-पाकिस्तानचा सामना बघायला आवडतो.

श्रद्धा कपूर म्हणते, "मला आशा आहे की, आजच्या सामन्यात भारताचाच विजय होईल. भारत पाकिस्तानला पुन्हा एकदा हरवेल."

विराट कोहली आणि रोहित शर्मा हे क्रिकेटर श्रद्धा कपूरला जास्त आवडतात. श्रद्धा कपूर म्हणते, "गोलंदाज वरुण चक्रवर्ती आजच्या सामन्यात चांगली कामगिरी करेल अशी आशा आहे. वरुणला जर संधी मिळाली तर तो नक्कीच त्या संधीचे सोने करेल आणि भारताचे नाव मोठे करेल".

श्रद्धा कपूर म्हणाली,"माझे वडील अभिनेते नसते तर क्रिकेटर नक्की झाले असते". त्यामुळेच श्रद्धा कपूर तिच्या संपूर्ण कुटुंबियांसोबत आजचा सामना बघणार आहे.

भारत आणि पाकिस्तान यांच्यातील सामन्याचे थेट प्रक्षेपण तुम्ही स्टार स्पोर्ट्स नेटवर्कच्या वाहिन्यांवर पाहू शकाल. इंग्रजी आणि हिंदी व्यतिरिक्त, हे इतर प्रादेशिक भाषांमध्ये देखील पाहिले जाऊ शकते.