एक्स्प्लोर
Movies Banned In India But Availabe On OTT: वादाच्या भोवऱ्यात अडकले, रिलीजच्या वेळी प्रचंड गदारोळ; तरीही OTT वर पाहता येतील 'हे' चित्रपट
Movies Banned In India But Availabe On OTT: बॉलिवूडमध्ये असे काही चित्रपट आहेत, ज्यांच्यामुळे प्रचंड गदारोळ झाला होता. काही चित्रपटांच्या रिलीजवर बंदी घालण्यात आली होती.
Movies Banned In India But Can Watch On OTT: देशात आणि जगात वेगवेगळ्या जॉनरचे किती चित्रपट बनतात. त्यातील काही हिट तर काही फ्लॉप. अनेक चित्रपट प्रदर्शितही होत नाहीत. बॉलिवूडमध्येही असे अनेक चित्रपट आले आहेत, ज्यांना चित्रपटगृहात बंदी घालण्यात आली होती अथवा सेन्सॉर बोर्डाकडून मोठ्या प्रमाणावर कट्स सुचवण्यात आले होते. मात्र, हे चित्रपट OTT प्लॅटफॉर्मवर सहज पाहता येतील.
1/7

Unfreedom : या अनफ्रीडम चित्रपटात दहशतवादाच्या मुद्यासोबत समलिंगी संबंधावरही भाष्य करण्यात आले होते. या चित्रपटाच्या थिएटर रिलीजवर बंदी घालण्यात आली होती. हा चित्रपट नेटफ्लिक्सवर पाहता येईल.
2/7

Water: वाराणसी येथील विधवांच्या आयुष्यावर आधारीत असलेल्या या चित्रपटाची कथा महिलेच्या आयुष्याभोवती आहे. या चित्रपटात लीसा रे, जॉन अब्राहम, सीमा विश्वास यांची भूमिका आहे. या चित्रपटाच्या शूटिंग दरम्यान मोठा गदारोळ झाला होता. हा चित्रपट युट्यूबवर पाहता येईल.
3/7

परझानिया हा 2007 मधील राहुल ढोलकिया यांनी सह-लिखित आणि दिग्दर्शित केलेला चित्रपट आहे. या चित्रपटात नसीरुद्दीन शाह आणि सारिका मुख्य भूमिकेत होते, तर कोरिन नेमेक आणि राज जुत्शी यांनी सहाय्यक भूमिका साकारली होती. हा चित्रपट गुजरात दंगलीच्या दरम्यान, 28 फेब्रुवारी 2002 च्या गुलबर्ग सोसायटी हत्याकांडानंतर गायब झालेल्या अजहर मोदी या दहा वर्षांच्या पारशी मुलाच्या सत्य कथेवरून प्रेरित आहे. या चित्रपटावरून मोठा गदारोळ झाला होता. हा चित्रपट हॉटस्टारवर पाहता येईल.
4/7

Fire : 'फायर' या चित्रपटात शबाना आझमी आणि नंदिता दास यांची मुख्य भूमिका आहे. या चित्रपटाच्या केंद्रस्थानी समलिंगी संबंध आहे. या चित्रपटातील काही दृष्यांवरून गदारोळ झाला होता. हा चित्रपट युट्युबवर पाहता येईल.
5/7

Kissa Kursee Kaa : आणीबाणीच्या काळात या चित्रपटावर केंद्र सरकारने बंदी घातली होती. ब्लॅक कॉमेडी चित्रपट युट्युबवर पाहता येईल.
6/7

Black Friday : अनुराग कश्यप दिग्दर्शित चित्रपट वादाच्या भोवऱ्यात अडकला होता. सेन्सॉर बोर्डाने काही बदल सुचवले होते. त्यावरून अनुराग आणि सेन्सॉर बोर्डमध्ये वाद झाला होता. 1993 च्या मुंबई बॉम्बस्फोट प्रकरणावर हा चित्रपट आहे. केके मेनन, पवन मल्होत्रा, आदित्य श्रीवास्तव, किशोर कदम यासह अनेक कलाकारांच्या भूमिका यात होत्या. हा चित्रपट हॉटस्टारवर पाहता येईल.
7/7

Angry Indian Goddesses : सेन्सॉर बोर्डाने 'अँग्री इंडियन गॉडेस'वर अनेक कट्स सुचवले होते. या चित्रपटात भारत सरकारबद्दलची चर्चा, देवी-देवतांचे फोटो आणि पुरुषांना ऑब्जेक्टिफाय करण्यात आले होते. हा चित्रपट तुम्ही नेटफ्लिक्सवर पाहू शकता. या चित्रपटात आदिल हुसैन, संध्या मृदुल, तनिष्ठा चॅटर्जी, सारा-जेन डायस, अनुष्का मनचंदा, अमृत माघेरा, राजश्री देशपांडे आणि पावलीन गुजराल यांच्या भूमिका आहेत.
Published at : 24 Jul 2024 02:14 PM (IST)
आणखी पाहा
Advertisement
Advertisement
























