Don 3: शाहरुख खानने का नाकारला फरहान अख्तरचा ‘डॉन 3’ चित्रपट? कारण जाणून व्हाल थक्क

Don 3: बॉलिवूडचा सुपरस्टार शाहरुख खान 'डॉन 3'मुळे पुन्हा एकदा चर्चेत आला आहे. फरहान अख्तरने डॉन 3 चित्रपटात शाहरुख खान नसल्याचं जाहीर केलं आणि चाहत्यांमध्ये नाराजी पसरली.

Why Shahrukh Khan rejected Don 3?

'पठाण' चित्रपटातील दमदार कामानंतर शाहरुख खान आता 'जवान'मधून चाहत्यांची मनं जिंकायला सज्ज झाला आहे. पण याच दरम्यान त्याच्या 'डॉन' चित्रपटाच्या पार्ट 3 बद्दल काही बातम्या येत आहेत. अलीकडेच फरहान अख्तरने जाहीर केलं की, शाहरुखऐवजी आता रणवीर सिंग डॉन 3' मध्ये दिसणार आहे.

एकीकडे फरहानच्या या घोषणेने काही लोक खुश दिसत आहेत. तर काहीजण असंही म्हणत आहेत की, जर शाहरुख खान चित्रपटात नसेल तर तो चित्रपट नक्कीच फ्लॉप ठरेल. अशात शाहरुखने डॉन-3 हा चित्रपट का केला नाही हे जाणून घेऊया.

बॉलिवूड हंगामाच्या बातमीनुसार, जेव्हा शाहरुख खानला चित्रपटाची स्क्रिप्ट सांगितली गेली तेव्हा त्याला ती फारशी आवडली नाही. शाहरुखने ही स्क्रिप्ट साफ नाकारली असं नाही, पण अभिनेता स्क्रिप्टशी कनेक्ट होऊ शकला नाही.

त्यामुळेच शाहरुख खानने फरहान खानच्या या चित्रपटाला नकार दिला. तर आता शाहरुखने चित्रपटाला नकार दिल्यानंतर त्याच्या चाहत्यांना मोठा धक्का बसला आहे. चित्रपटात फक्त शाहरुखच असावा, असं चाहत्यांचं म्हणणं आहे.

वर्क फ्रंटबद्दल बोलायचं झालं तर शाहरुख खान लवकरच 'जवान' चित्रपटात दिसणार आहे, ज्याचा ट्रेलर काही दिवसांपुर्वी रिलीज झाला आहे. या चित्रपटाचा अजूनही सोशल मीडियावर धुमाकूळ घालत आहे. या चित्रपटातील शाहरुखचा लूक त्याच्या चाहत्यांना खूप आवडला आहे.

'जवान' व्यतिरिक्त शाहरुख खान अनेक मोठ्या प्रोजेक्टमध्ये दिसणार आहे.