UPI : गुड न्यूज, आरबीआयचा मोठा निर्णय, यूपीआयद्वारे P2M व्यवहारांची मर्यादा वाढवण्यास ग्रीन सिग्नल

RBI : रिझर्व्ह बँक ऑफ इंडियानं यूपीआय व्यवहारांच्या मर्यादेत वाढ करण्यासाठी एनपीसीआयला परवानगी दिली आहे. यामुळं यूपीआय व्यवहारांना प्राधान्य मिळेल.

यूपीआय पेमेंटची मर्यादा वाढवली

रिझर्व्ह बँक ऑफ इंडियानं नॅशनल पेमेंटस कॉर्पोरेशन ऑफ इंडियाला यूनिफाइड पेमेंटस इंटरफेसद्वारे पर्सन-टू-मर्चंट व्यवहारांची मर्यादा वाढवण्यास मंजुरी दिली आहे.

आरबीआयच्या निर्णयामुळं यूपीआयद्वारे मोठ्या रकमेच्या व्यवहारांचा मार्ग मोकळा झाला आहे. सध्या ग्राहकांना यूपीआयद्वारे पीटूएमद्वारे शेअर बाजार, विमा यासारख्या व्यवहारांची मर्यादा 2 लाख रुपये आहे.

कराचं पेमेंट, शैक्षणिक संस्था, रुग्णालय, आयपीओच्या पेमेंटसाठी मर्यादा 5 लाख रुपये आहे.

संजय म्हलोत्रा यांनी एनपीसीआयला यूपीआयच्या माध्यमातून व्यवहारांच्या मर्यादा वाढवण्याचा प्रस्ताव मान्य केला आहे. तर, एका व्यक्तीनं दुसऱ्या व्यक्तीला यूपीआयद्वारे पेमेंट करण्याची मर्यादा एक लाख रुपये कायम आहे.

आरबीआयचा हा निर्णय व्यापाऱ्यांसाठी फायदेशीर ठरु शकतो. दुकानदार आणि छोटे व्यापारी यांना मोठे व्यवहार यूपीआयद्वारे करता येतील. यामुळं डिजिटल पेमेंटची संख्या वाढेल. यामुळं रोख व्यवहारांची संख्या कमी होईल.