Parivartan Rajyog : 7 नोव्हेंबरपासून 3 राशींचे 'अच्छे दिन' सुरू! गुरू-शुक्र एकमेकांच्या राशीत, नवीन नोकरीसह बँक बॅलन्सही वाढणार

Guru Shukra Gochar 2024 : नुकताच शुक्र आणि गुरुने एकमेकांच्या राशीत प्रवेश केला आहे, ज्यामुळे परिवर्तन योगाची निर्मिती झाली. हा काळ 3 राशींसाठी भाग्याचा ठरणार आहे.

Parivartan Rajyog

ज्योतिषशास्त्रानुसार, शुक्र सुमारे 26 दिवसांनी आपली राशी बदलतो. आज 7 नोव्हेंबरला शुक्र आणि गुरु ग्रहांनी एकमेकांच्या राशीत प्रवेश केला, ज्यामुळे परिवर्तन राजयोगाची निर्मिती झाली आहे.

वैदिक पंचांगानुसार, शुक्राने गुरूच्या राशीत, म्हणजेच धनु राशीत प्रवेश केलाय आणि तो 28 डिसेंबरपर्यंत या राशीत राहील. या काळात गुरु ग्रह आधीच शुक्राच्या वृषभ राशीत असणार आहे. त्यामुळे हा काळ कोणत्या राशींसाठी भाग्याचा ठरणार आहे? जाणून घेऊया.

मकर रास (Capricorn) : या राशीच्या लोकांसाठी शुक्राचं संक्रमण फायदेशीर ठरू शकतं. या राशीच्या लोकांवर शुक्रासोबतच गुरूची कृपा राहील. या राशीच्या लोकांचा अध्यात्माकडे जास्त कल असू शकतो. करिअर क्षेत्राबद्दल बोलायचं झाल्यास, तुम्हाला परदेशात नोकरीच्या संधी मिळतील.

यामुळे तुम्हाला तुमच्या नोकरीबद्दल समाधान वाटू शकतं. व्यवसायाच्या क्षेत्राविषयी बोलायचं झालं तर, तुम्ही तुमच्या प्रतिस्पर्ध्यांना कडवी टक्कर देताना दिसतील. तुम्ही व्यवसायात भरपूर नफा कमवू शकता. आरोग्याची काळजी घ्या.

मिथुन रास (Gemini) : परिवर्तन राजयोगाचा या राशीच्या लोकांना विशेष लाभ मिळू शकतो. यासोबतच तुम्हाला मित्र आणि कुटुंबियांसोबत चांगला वेळ घालवता येईल. नोकरीमुळे तुम्हाला खूप प्रवास करावा लागू शकतो, पण याच्या मदतीने तुम्ही तुमचं ध्येय साध्य करण्यात यशस्वी होऊ शकता. व्यवसायातही तुम्हाला भरपूर नफा मिळू शकतो.

शेअर मार्केटशी संबंधित लोकांना विशेष लाभ मिळू शकतो. आर्थिक परिस्थितीबद्दल बोलायचं झालं तर, तुम्हाला चांगला नफा मिळू शकतो. यामुळे तुम्ही जास्त खर्च करू शकता. लव्ह लाईफ चांगलं जाणार आहे. आरोग्याच्या बाबतीत थोडं सावध राहण्याची गरज आहे.

मेष रास (Aries) : मेष राशीच्या लोकांसाठी परिवर्तन योग खूप फायद्याचा ठरू शकतो. या काळात तुमची प्रदीर्घ प्रलंबित कामं पूर्ण होऊ शकतात. करिअरच्या क्षेत्रात तुम्हाला नशिबाची साथ मिळेल. तुम्ही केलेल्या मेहनतीचं कौतुक होईल.

तुम्हाला प्रमोशनसोबत चांगली इन्क्रीमेंट मिळू शकते. व्यवसाय करणाऱ्या लोकांना खूप फायदा होऊ शकतो. परदेशात व्यवसाय करणाऱ्यांना मोठा नफा मिळणार आहे. तुमची आर्थिक स्थिती चांगली राहील. पैशाशी संबंधित अनेक दिवसांपासून सुरू असलेल्या समस्या आता संपू शकतात. जोडीदारासोबत तुमचा वेळ चांगला जाईल, पण थोडा धीर धरायला हवा.