Mumbai Police News : मुंबईत फूटपाथवर चालताना गर्भवतीला वेदना; चालताही येईना.., पोलिसांची घटनास्थळी धाव, वस्त्रांचा केला आडोसा अन्... महिला पोलीस कॉन्स्टेबलमुळे सुखरुप प्रसुती
Mumbai Police News : डॉक्टरांनी तपासणी करून आई व बाळ दोघेही सुखरूप असल्याचे स्पष्ट केले. या घटनेनंतर मुंबई पोलिसांकडून एक्स पोस्ट करत महिला कर्मचाऱ्यांचे कौतुक केले.
मुंबई : मुंबईतून एक धक्कादायक बातमी समोर आली आहे. मुंबईच्या डोंगरी (Mumbai News) परिसरात फुटपाथवरच महिलेची प्रसुती झाल्याची घटना समोर आली आहे. डोंगरीच्या फुटपाथवर गरोदर असलेल्या महिलेला प्रसुतीच्या कळा येत होत्या. त्यावेळी स्थानिकांनी याची माहिती पोलिसांना देताच, डोंगरी पोलिस घटनास्थळी दाखल झाले. त्यावेळी महिला पोलिसांनी स्थानिकाच्या मदतीने महिलेला रुग्णालयात दाखल करण्याचा निर्णय घेतला. मात्र रस्त्यातच महिलेची प्रसुती झाली. त्यावेळी उपस्थित महिलांच्या मदतीने महिला पोलिसांनी (Mumbai Police) बाळ आणि आईला तात्काळ जे जे रुग्णालयात आणले. डॉक्टरांनी तपासणी करून आई व बाळ दोघेही सुखरूप असल्याचे स्पष्ट केले. या घटनेनंतर मुंबई पोलिसांकडून (Mumbai Police) एक्स पोस्ट करत महिला कर्मचाऱ्यांचे कौतुक केले.
Mumbai Police News : मुंबई पोलिसांनी पोस्ट करत दिली घटनेची माहिती
डोंगरी परिसरातील उमरखाडी येथे एका महिलेला फुटपाथवर प्रसूती वेदना होत असल्याचे कळताच, @DongariPSचे अधिकारी ताबडतोब घटनास्थळी पोहोचले. प्रसूतीनंतर, महिला पोलिस कर्मचाऱ्यांनी स्थानिक महिलांच्या मदतीने आई आणि नवजात बाळाला सुरक्षितपणे सर जे.जे. रुग्णालयात नेले. आई आणि बाळ दोघांचीही प्रकृती आता चांगली आहे.
Upon learning that a woman had gone into labour on a pavement in the Umarkhadi, Dongri area, officials from @DongariPS immediately rushed to the location. After the delivery, women police personnel from Mobile 5 and 1, along with help from local women, ensured that the mother and… pic.twitter.com/4ikVqUtGu3
— मुंबई पोलीस - Mumbai Police (@MumbaiPolice) December 1, 2025
Mumbai Police News : नेमकं काय घडलं?
डोंगरी परिसरातून चालत जात असतानाच अचानकपणे गर्भवती महिलेला प्रसुती वेदना सुरू झाल्या आणि ती फुटपाथवर बसली. वेदनेने विव्हळणाऱ्या महिलेबाबत समजताच डोंगरी पोलिस त्या ठिकाणी पोहोचले. जवळच्या रुग्णालयात नेण्याची हालचाल सुरू असतानाच वेदना आणखी वाढल्या आणि महिलेची प्रसूती झाली. पोलिसांनी स्थानिक महिलांच्या मदतीने वस्त्र घेऊन या ठिकाणी आडोसा निर्माण केला. ताबडतोब दोघांना वस्त्रामध्ये अलगद गुंडाळून जे. जे. रुग्णालयात दाखल करण्यात आले. डॉक्टरांनी बाळाची नाळ कापली. बाळ, बाळंतीण सुखरूप असल्याचे डॉक्टरांनी सांगितलं.
धारावी येथे वास्तव्यास असलेली ३६ वर्षीय माला नाडर ही गर्भवती महिला पतीसोबत शनिवारी डोंगरी परिसरातून चालली होती. अचानक पोटात दुखू लागल्याने फुटपाथवर बसली, तिला चालताही येईना. स्थानिकांनी वेदनेने विव्हळत असलेल्या महिलेला पाहून डोंगरी पोलिसांना कळविले. डोंगरी पोलिसांच्या दोन गाड्या घटनास्थळी पोहोचल्या. प्रसूती वेदना वाढत असल्याने चालता येत नसल्याचे माला आणि तिच्या पतीने सांगितले. पोलिस कॉन्स्टेबल खडसे यांनी चादर तसेच इतर वस्त्रांची व्यवस्था केली. महिला पोलिस कॉन्स्टेबलनी चारही बाजूने आडोसा केला. याचदरम्यान गर्भवती महिलेने बाळाला जन्म दिला.
Mumbai Police News : दोघेही सुखरूप असल्याचे डॉक्टरांनी सांगितल्यावर सर्वांनी आंनद व्यक्त केला
प्रसूती झाल्यावर नाळ कापणे महत्त्वाचे होते. त्यामुळे महिला पोलिसांनी माला यांना बाळासह कपड्यात लपेटले. स्थानिक महिलांच्या मदतीने पोलिसांनी बाळ आणि बाळंतिणीला अलगद गाडीमध्ये ठेवले आणि जवळच्या जे. जे. रुग्णालयात दाखल केले. डॉक्टरांनी त्वरीत उपचाराला सुरूवात केली. बाळाची नाळ कापून बाळाला मातेपासून वेगळे केले. पोलिसांनी वेळ न घालवता माला आणि तिच्या मुलास रुग्णालयात नेल्याने त्यांना वेळीच योग्य ते उपचार मिळाले. दोघेही सुखरूप असल्याचे डॉक्टरांनी सांगितल्यावर सर्वांनी आंनद व्यक्त केला.
महत्त्वाच्या बातम्या
