Nanded turmeric cooker Blast: आष्टीत हळद शिजवताना कुकरचा भीषण स्फोट, दाबामुळे 600 फूटापर्यंत पार्ट उडाले, 4 शेतकरी जखमी

या अपघातात चार शेतकरी गंभीर जखमी झाले असून, त्यांना तातडीने उपचारासाठी नांदेडच्या शासकीय रुग्णालयात हलवण्यात आले आहे.

Nanded

नांदेड जिल्ह्यातील हदगाव तालुक्यात असलेल्या आष्टी गावाच्या शिवारात हळद शिजवताना प्रेशर कुकरचा भीषण स्फोट होऊन चार शेतकरी गंभीर जखमी झाल्याची धक्कादायक घटना घडली आहे.

आष्टी शिवारातील काही शेतकरी हळदीची प्रक्रिया करण्यासाठी शेतातच प्रेशर कुकरचा वापर करून हळद शिजवत होते. शिजवण्याच्या प्रक्रियेदरम्यान अचानक कुकरचा स्फोट झाला.