World Military Expenditure : जागतिक लष्करी खर्चात भारत तिसऱ्या क्रमांकावर; 2.1 ट्रिलियनच्या पुढे गेला जागतिक खर्च

World Military Expenditure : देशातील सर्वाधिक खर्च करणाऱ्यांच्या यादीत भारत तिसऱ्या क्रमांकावर आहे.

World Military Expenditure

World Military Expenditure : जरी जगभरातील सर्व मोठे देश युद्धापासून दूर राहून शांततेची चर्चा करतात, परंतु ते स्वतः युद्धासाठी पूर्णपणे तयार असतात. युद्धाबाबत ते किती गंभीर आहेत याची कल्पना एका रिपोर्टमधून येते. ज्यामध्ये जगातील प्रमुख देशांनी केलेल्या लष्करी खर्चाचा तपशील देण्यात आला आहे. या आकडेवारीनुसार, आर्थिक वर्ष 2022 मध्ये जागतिक लष्करी खर्च $2.1 ट्रिलियनच्या सर्वकालीन उच्चांकावर पोहोचला आहे. देशातील सर्वाधिक खर्च करणाऱ्यांच्या यादीत भारत तिसऱ्या क्रमांकावर आहे.

SIPRI च्या रिपोर्टमधून झाले उघड 

स्टॉकहोम इंटरनॅशनल पीस रिसर्च इन्स्टिट्यूट (SIPRI) च्या अहवालानुसार, 2021 मध्ये एकूण जागतिक लष्करी खर्चात 0.7% ने वाढ झाली आहे. या अहवालात म्हटले आहे की, 2021 मध्ये 5 सर्वात जास्त खर्च करणारे अमेरिका, चीन, भारत, यूके आणि रशिया होते. या सर्वांचा मिळून एकूण खर्च 62% होता. 2022 बद्दल बोलायचे झाल्यास,  भारताचा एकूण लष्करी खर्च $ 76.6 अब्ज आहे, जो जगात तिसरा आहे. हे 2020 पेक्षा 0.9% जास्त आणि 2012 पेक्षा 33% जास्त आहे.

टॉप 2 मध्ये राहणारे देश 

आकडेवारीनुसार, अमेरिका आणि चीन हे सैन्यावर खर्च करणारे टॉप + 2 देश आहेत. यूएस लष्करी खर्च 2021 मध्ये 801 अब्ज डॉलरवर पोहोचला, 2020 च्या तुलनेत 1.4% कमी. 2012 ते 2021 या कालावधीत, अमेरिकेने लष्करी संशोधन आणि विकासासाठी निधी 24% ने वाढवला आणि शस्त्रास्त्र खरेदीवरील खर्च 6.4% ने कमी केला. दुसऱ्या स्थानावर चीन आहे, ज्याने संरक्षणावर $293 अब्ज खर्च केले, 2020 च्या तुलनेत 4.7% ने वाढ झाली आहे. दुसरीकडे, यूकेने गेल्या वर्षी संरक्षणावर $68.4 अब्ज खर्च केले, जे 2020 च्या तुलनेत 3% वाढले आहे. त्याच वेळी, रशिया सर्वाधिक संरक्षण खर्चाच्या बाबतीत पाचव्या क्रमांकावर आहे.

महत्वाच्या बातम्या :