US Capitol | ट्रम्प समर्थकांचा अमेरिकेत संसदेत धुडगूस; हा देशद्रोह, बायडन यांची प्रतिक्रिया

US Capitol Under Siege : डोनाल्ड ट्रम्प यांच्या समर्थकांनी अमेरिकेच्या संसदेत म्हणजेच कॅपिटल बिल्डिंगबाहेर गर्दी करुन जोरदार गोंधळ घातला. यानंतर वॉशिंग्टन डीसीमध्ये संचारबंदी लागू करण्यात आली आहे.

वॉशिंग्टन : अमेरिकेत अध्यक्षपदाच्या निवडणूक निकालानंतरही राजकीय तणाव सुरु आहे. निवडणूक निकालात फेरफार झाल्याचा आरोप करत डोनाल्ड ट्रम्प दबाव टाकण्याचा प्रयत्न करत आहे. डोनाल्ड ट्रम्प यांच्या समर्थकांनी अमेरिकेच्या संसदेत म्हणजेच कॅपिटल बिल्डिंगबाहेर गर्दी करुन जोरदार गोंधळ घातला. यानंतर वॉशिंग्टन डीसीमध्ये संचारबंदी लागू करण्यात आली आहे.

निवडणूक निकालांबाबत अमेरिकेच्या संसदेची बैठक बोलावण्यात आली होती. या बैठकीत इलेक्टोरल कॉलेजबाबत चर्चा सुरु होती. बैठकीत जो बायडन यांच्या विजयाची घोषणा केली जाणार होती. परंतु त्याचवेळी ट्रम्प समर्थक कॅपिटल बिल्डिंगमध्ये घुसले, परिणामी संसदेचं कामकाज थांबवावं लागलं. ट्रम्प समर्थकांनी कॅपिटल बिल्डिंगबाहेर गोंधळही घातला. या घटनेवर देशभरात टीका केली जात आहे.

तर दुसरीकडे निवडून आलेले अध्यक्ष जो बायडन म्हणाले की, मी अध्यक्ष डोनाल्ड ट्रम्प यांना आवाहन करतो की, त्यांनी आपली शपथ पूर्ण करुन संविधानाचं संरक्षण करावं आणि हा वेढा संपवण्याची मागणी करावी.

I call on President Trump to go on national television now to fulfill his oath and defend the Constitution by demanding an end to this siege.

— Joe Biden (@JoeBiden) January 6, 2021

कॅपिटल बिल्डिंगवर झालेला गोंधळ हा देशद्रोह असल्याचं जो बायडन म्हणाले. "मी स्पष्ट करतो की, कॅपिटल बिल्डिंगबाहेर जो गोंधळ झाला आम्ही तसे नाहीत. कायदा न पाळणाऱ्यांचीही संख्या आहे, असं बायडन म्हणाले.

Today is a reminder, a painful one, that democracy is fragile. To preserve it requires people of good will, leaders with the courage to stand up, who are devoted not to pursuit of power and personal interest at any cost, but to the common good.

— Joe Biden (@JoeBiden) January 7, 2021

हिंसेत महिलेचा मृत्यू, अनेक जखमी कॅपिटल बिल्डिंगबाहेर ट्रम्प समर्थकांची पोलिसांसोबत झटापटही झाली. या हिंसाचारात एका नागरिकाचा गोळी लागून मृत्यू झाला असून काही जण जखमी झाल्याचं समजतं. वॉशिंग्टन डीसी पोलीस प्रमुखांनी या वृत्ताला दुजोरा मिळाला आहे. यूएस कॅपिटलमध्ये एका महिलेचा गोळी लागून मृत्यू झाला तर हिंसाचारात अनेक अधिकारी जखमी झाले आहेत.

#UPDATE | Violence at US Capitol: Woman who was shot inside the Capitol on Wednesday afternoon (local time) has died at a hospital, reports CNN

— ANI (@ANI) January 6, 2021

ट्रम्प यांचं समर्थकांना शांततेचं आवाहन दरम्यान अध्यक्ष डोनाल्ड ट्रम्प यांनी आपल्या समर्थकांना शांत राहण्याचं आवाहन केलं आहे. शांततेत आंदोलन करण्याचा आवाहन करताना ट्रम्प म्हणाले की, आंदोलनात हिंसाचार होऊ नये. लक्षात ठेवा आपण कायदा-सुव्यवस्थेचा पक्ष आहोत.

फेसबुकने ट्रम्प यांचा व्हिडीओ हटवला ट्विटरपाठोपाठ फेसबुकनेही अमेरिकेचे अध्यक्ष डोनाल्ड ट्रम्प यांचा व्हिडीओ हटवला आहे. यूएस कॅपिटलमध्ये हिंसेदरम्यान ट्रम्प यांनी समर्थकांना संबोधित केलं होतं. फेसबुकचे अधिकारी गाय रोसेन म्हणाले की, आम्ही ट्रम्प यांचा व्हिडीओ हटवला आहे. कारण त्यांचा व्हिडीओमुळे यूएस कॅपिटलमधील हिंसेंला प्रोत्साहन देते असं आमचं मत आहे.

Facebook removes US President Donald Trump's video addressing his supporters during violence at US Capitol

"We removed it because on balance we believe it contributes to rather than diminishes the risk of ongoing violence," tweets Facebook Vice President of Integrity, Guy Rosen https://t.co/fdCneDzNwq — ANI (@ANI) January 6, 2021