Russia Ukraine War : रशियन फौजांचा चेर्नोबिल अणू प्रकल्पावर ताबा; जगाच्या चिंतेत भर

Russia Ukraine War Chernobyl : रशियन फौजांनी चेर्नोबिल अणू प्रकल्पावर ताबा मिळवला आहे. या मुले

By : एबीपी माझा वेब टीम | Edited By: श्रीकांत भोसले | Updated at : 25 Feb 2022 07:15 AM (IST)

Russia Ukraine War : रशियन फौजांनी गुरुवारी चेर्नोबिल अणू प्रकल्पाचा ताबा मिळवला आहे. वर्ष 1986 मध्ये या अणू ऊर्जा प्रकल्पात मोठा स्फोट झाला होता. त्यामुळे मोठ्या प्रमाणावर किरणोत्सर्ग पसरला होता. त्यामुळे या परिसरातील जनजीवन उद्धवस्त झाले होते. सध्या या अणू ऊर्जा प्रकल्पाची जागा अणू प्रकल्पातील टाकाऊ वस्तूंचे केंद्र आहे. त्याशिवाय या ठिकाणी अनेक टन अणू इंधनाचा साठादेखील आहे. चेर्नोबिल अणू प्रकल्प रशियन फौजांच्या ताब्यात गेल्याने जगभरात चिंता व्यक्त केली जात आहे.

वृत्तसंस्था 'रॉयटर्स'ने याबाबतचे वृत्त दिले आहे. युक्रेनचे राष्ट्रपती व्होलोडिमीर झेलन्सकी (Volodymyr Zelenskyy)यांनी याआधीच रशियन सैन्य चेर्नोबिल अणू प्रकल्पाचा ताबा घेऊ शकतात अशी शंका व्यक्त केली होती. आमचे सैनिक प्राणांची पर्वा न करता या भागाला वाचवण्यासाठी प्रयत्न करतील असेही झेलेन्सकी यांनी युद्धापूर्वी म्हटले होते.

चेर्नोबिल अणू प्रकल्प हा युक्रेनची राजधानी कीवपासून 130 किमी अंतरावर आहे. एप्रिल 1986 मध्ये मोठा स्फोट झाला होता. वृत्तसंस्थांनी दिलेल्या वृत्तानुसार, चेर्नोबिल अणू प्रकल्पात यावेळी युक्रेन आणि रशियातील अणू प्रकल्पाचा 22 हजार गोणी अणू कचरा ठेवण्यात आला आहे. या ठिकाणी पुन्हा एखादा मोठा अपघात होऊ शकतो. या ठिकाणी स्फोट झाला तरी मोठं संकट येऊ शकतं अशी भीती शास्त्रज्ञांनी व्यक्त केली. या ठिकाणाहून होणारा किरणोत्सर्ग फैलावू शकतो आणि गंभीर परिस्थिती निर्माण होऊ शकते.

युक्रेनचे राष्ट्रपती झेलेन्सकी यांचे सल्लागार मिखाइल पोदोलियाक यांनी सांगितले की, युरोपमध्ये पूर्ण युद्ध सुरू झाले आहे. रशियाने केवळ युक्रेनवरच हल्ला केला नाही, तर आधुनिक जगाच्या सामान्य जीवनाच्या नियमांचे उल्लंघन केले आहे. रशियाने युक्रेनवर केलेल्या हल्ल्याचा संपूर्ण जगातून निषेध व्यक्त करण्यात येत आहे. या युद्धामुळे युक्रेनमधील लोकशाही मार्गाने निवडून आलेले सरकार उलथवले जाऊ शकते अशीही भीती व्यक्त केली जात आहे.

इतर महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha