कोरोनाच्या प्रादुर्भावामुळं निर्बंध, 'या' देशाच्या पंतप्रधानांनी स्वत:चं लग्न पुढं ढकललं

New Zealand PM Cancels Wedding : न्यूझीलंडच्या पंतप्रधान जॅसिंडा आर्डर्न यांनी कोविड-19 चे निर्बंध आणखी कडक करत स्वत:चे लग्नही रद्द केले आहे.

New Zealand PM Jacinda Ardern Cancels her Wedding

New Zealand PM Cancels Wedding : न्यूझीलंडच्या पंतप्रधान जॅसिंडा आर्डर्न (Jacinda Ardern) यांनी कोविड-19 चे निर्बंध आणखी कडक करत स्वत:चे लग्नही रद्द केले आहे. जॅसिंडा यांचे लग्न रविवारी (23 जानेवारी) होणार होते, मात्र ओमायक्रॉन (Omicron) प्रकाराची वाढती प्रकरणे पाहता त्यांनी स्वतःचे लग्न रद्द केले आहे आणि लोकांना कोरोनापासून सावध राहण्याचे आवाहन केले आहे. कडक निर्बंधांची घोषणा करताना त्यांनी सांगितले की, ''मी माझे लग्न तूर्तास रद्द केले आहे. नवीन निर्बंधांनुसार, केवळ पूर्ण लसीकरण झालेल्या लोकांनाच लग्न समारंभांना उपस्थित राहण्याची परवानगी असेल. साथीच्या रोगानंतर याचा अनुभव घेत असलेल्या आणि या परिस्थितीत अडकलेल्या न्यूझीलंडमधील सामान्य लोकांमध्ये मी देखील आहे. याचा मला खूप खेद वाटतो.''

न्यूझीलंडमध्ये लग्न समारंभानंतर ओमायक्रॉन प्रकाराची नऊ प्रकरणे नोंदवली गेली. त्यामुळे लोकांमध्ये घबराट पसरली आणि तेव्हापासून येथे ओमायक्रॉनचा संसर्ग पसरण्याचा धोका वाढला आहे. ऑकलंडहून लग्न समारंभात सहभागी होऊन एक कुटुंब विमानाने दक्षिण आइसलँडला परतले होते. त्यानंतर दोन सदस्यांचा कोरोना अहवाल पॉझिटिव्ह आला. यानंतर न्यूझीलंडमध्ये बंदीची घोषणा करण्यात आली आणि पंतप्रधानांनी त्यांचे लग्न रद्द केले.

जॅसिंडा आर्डर्न यांचं लग्न क्लार्क गेफर्ड (Clarke Gayford) यांच्यासोबत होणार आहे. आता कोरोनामुळे त्यांनी लग्न रद्द केले आहे. मात्र, कोरोनाचा संसर्ग कमी झाल्यानंतर दोघेही पुन्हा एकदा नवीन तारीख जाहीर करू शकतात. जॅसिंडा आर्डर्न 2017 मध्ये न्यूझीलंडच्या सर्वात तरुण पंतप्रधान बनल्या. गेल्या वर्षी ऑक्टोबरमध्ये ते पुन्हा सत्तेत आल्या. त्याच्या कामाच्या पद्धतीचे न्यूझीलंडमध्ये खूप कौतुक होत आहे.

इतर महत्त्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha