Israel Hamas War : पॅलेस्टिनी दहशतवादी संघटना हमासला फंडींग कुठून मिळते? बजेट ऐकून थक्क व्हाल; मोसादच्या माजी एजंटचा गौप्यस्फोट
Hamas Funding : हमासला निधी नक्की मिळतो कुठून असा सवाल उपस्थित होत आहे. आता मोसादच्या एका माजी एजंटने हमासला मिळणाऱ्या निधीबाबत गौप्यस्फोट केला आहे.
Israel Hamas War : हमास आणि इस्रायल (Israel Palestine War) यांच्यातील युद्धाचा वणवा थांबवण्याची चिन्हे दिसत नाहीत. इस्रायल आणि पॅलेस्टिनी दहशतवादी संघटना हमासकडून एकमेकांवर हल्ले सुरुच आहेत. हमास-इस्रायल युद्धादरम्यान काही प्रश्न उपस्थित केले जात आहेत. यामधील एक महत्त्वाचा प्रश्न म्हणजे हमासच्या निधीबाबत आहे. हमासला निधी नक्की मिळतो कुठून असा सवाल उपस्थित होत आहे. आता मोसादच्या एका माजी एजंटने हमासला मिळणाऱ्या निधीबाबत गौप्यस्फोट केला आहे. मोसाद (Mossad) ही इस्रायल सरकारची गुप्तचर यंत्रणा आहे.
दहशतवादी संघटना हमासला फंडींग कुठून मिळते?
इस्रायली लष्कराने दावा केला आहे की, हमासने गाझामध्ये अनेक तळ उभारले आहेत आणि त्यांचे नेते हमासला परदेशातून निधी पाठवत आहेत. यासोबतच इस्रायलने दावा केला आहे की, एकीकडे गाझा पट्टीत मोठ्या प्रमाणात इंधन टंचाई निर्माण झाली आहे. अशं असलं तरी हमासकडे इंधनाचा साठा आहे. हमासकडे 5 लाख लिटर इंधन असून ते जनतेला देण्यात येत नसल्याचा दावा इस्रायलने केला आहे. मोसादच्या एका माजी एजंटने याबाबत खुलासा केला आहे. दहशतवादी कारवायांना आर्थिक मदत करण्यासाठी हमासचे वार्षिक बजेट 1.5 अब्ज पौंड असल्याचा मोठा गौप्यस्फोट मोसादच्या माजी एजंटने केला आहे.
हमासचं बजेट ऐकून तुम्हाला धक्का बसेल
माजी मोसाद एजंट उझी शाया यांनी खुलासा केला की, हमासचे आर्थिक प्रशासन तुर्कीमधील इस्तंबूलमधून चालवले जात आहे. तेथून हमासला मिळणाऱ्या बजेटवर नियंत्रण ठेवलं जातं. पॅलेस्टाईनी गट हमास दहशतवाद आणि हत्येला प्रोत्साहन देण्यासाठी बाहेरील देशातून निधी मिळतो. हमासला इराणमधून 200 दशलक्ष पौंड म्हणजेच भारतीय चलनामध्ये 2000 हजार कोटी रुपयांहून अधिक तर कतारमधून 400 दशलक्ष पौंड म्हणजेच 4000 कोटी रुपयांहून अधिक निधी येत असल्याचंही एजंटने सांगितलं आहे. स्थावर मालमत्तेसारखे व्यवसाय काळा पैसा पांढर्‍यामध्ये बदलण्यास मदत करतात.
'गाझामधील लोकांपर्यंत पैसा पोहोचत नाही'
हमासने 7 ऑक्टोबरला इस्रायलवर हल्ला चढवला. हमासने इस्रायलला केलेल्या हल्यात हमासने 1,400 इस्रायलींच हत्या केली. यानंतर काही दिवसांनी, बार्कलेजने पॅलेस्टिनी दहशतवादी गट हमासशी जोडलेलं बँक खातं गोठवलं. इस्रायलने डिसेंबर 2021 ते एप्रिल 2021 दरम्यान हमासची सुमारे 200 क्रिप्टो खाती बंद केली आहेत.
मोसादच्या माजी एजंटचा गौप्यस्फोट
मोसादचे माजी एजंट शाया यांनी सांगितलं आहे की, "हमासकडे अमिराती, सुदान, अल्जेरिया आणि तुर्कस्तानमधील काही कंपन्या आहेत, ज्या रोख व्यवहारावर चालतात. हमास ही अतिशय छोटी दहशतवादी संघटना असल्याचे दिसत असलं तरी त्यांना मोठ्या प्रमाणावर निधी मिळत आहे. हमासच्या बजेटचा एक मोठा भाग हमासच्या प्रमुखांकडे, त्यांच्या दहशतवादी आणि त्यांच्या सर्व कुटुंबांकडे आहे. तो गाझा लोकांपर्यंत पोहोचत नाही, जिथे बेरोजगारी जास्त आहे."
महत्त्वाच्या बातम्या
ट्रेंडिंग न्यूज
