Donald Trump : डोनाल्ड ट्रम्प यांना अटक, पॉर्न स्टारला पैसे दिल्याप्रकरणी कोर्टात हजर होताच बेड्या
Donald Trump Money Hush: डोनाल्ड ट्रम्प यांना कोर्टात हजर होताच अटक करण्यात आली आहे. अमेरिकेच्या इतिहासात पहिल्यांदाच माजी राष्ट्रपतीला बेड्या ठोकण्यात आल्या आहेत.
न्यूयार्क: अमेरिकेचे माजी राष्ट्राध्यक्ष डोनाल्ड ट्रम्प न्यूयॉर्कमधील मैनहैटन कोर्टात हजर झालेत. कोर्टात हजर होताच ट्रम्प यांना पोलीसांनी अटक केलय. न्यूयॉर्क ग्रँड ज्युरीने ट्रम्प यांच्यावर अॅडल्ट स्टार प्रकरणात फौजदारी खटला चालवण्यास मान्यता दिली आहे. यासह ट्रम्प हे अमेरिकेच्या इतिहासातील पहिले माजी राष्ट्राध्यक्ष बनणार आहेत ज्यांच्यावर फौजदारी खटला दाखल करण्यात आला आहे.
अशा प्रकारे गुन्हेगारी आरोपांना सामोरे जावे लागलेले ट्रम्प हे अमेरिकेच्या इतिहासातील पहिले राष्ट्राध्यक्ष बनले आहेत. डोनाल्ड ट्रम्प यांच्यावर फसवणुकीच्या 30 पेक्षा जास्त गुन्ह्यांचा आरोप आहे. यातील सर्वात गंभीर आरोप म्हणजे पॉर्न अभिनेत्री स्टॉर्मी डॅनियल्सला पैसे देण्याचा आरोप आहे.
BREAKING: Donald Trump has arrived at a Manhattan courthouse ahead of his arraignment on criminal charges where the former president is expected to surrender to authorities. He will be fingerprinted and processed, and his mug shot may be taken. https://t.co/4L56qJGCA2
— The Associated Press (@AP) April 4, 2023
प्रकरण नेमकं काय?
2016च्या अमेरिकन राष्ट्राध्यक्ष पदाच्या निवडणूक प्रचारात आर्थिक गैरव्यवहार केल्याप्रकरणी डोनाल्ड ट्रम्प यांच्यावर आरोप ठेवण्यात आला आहे. हे प्रकरण पॉर्न स्टारशी संबंधित आहे. डोनाल्ड ट्रम्प यांचे पॉर्न स्टार असलेल्या स्टॉर्मी डॅनियल्ससोबत अफेअर असल्याचा आरोप आहे आणि ही माहिती लपवण्यासाठी त्यांनी 2016 मध्ये डॅनियल्सला 1,30,000 डॉलर दिल्याचा आरोप आहे. येथे मुद्दा पैसे देण्याचा नसून कोणत्या माध्यमातून पैसे देण्यात आले आहे त्यासंदर्भात आहे. डोनाल्ड ट्रम्प यांनी हे सर्व आरोप फेटाळून लावले आहेत.
डोनाल्ड ट्रम्प यांचे वकील मायकल कोहेन यांनी गुप्तपणे डॅनियल्सला पैसे दिले. त्यानंतर ट्रम्प अमेरिकेचे अध्यक्ष असताना या काळात झालेल्या व्यवहारांची चौकशी सुरू झाली. ट्रम्प हे 2017 ते 2021 पर्यंत अमेरिकेचे राष्ट्राध्यक्ष होते.
महत्त्वाच्या बातम्या
ट्रेंडिंग न्यूज
