Colombia Plane Crash: कोलंबियात मोठी दुर्घटना, 110 जवानांना घेऊन जाणारं हवाई दलाचं विमान उड्डाण घेताच तीन किलोमीटरवर क्रॅश   

Colombia Plane Crash:  कोलंबियामध्ये हवाई दलाचं एक विमान कोसळलं आहे. या विमानातून 110 जवान प्रवास करत होते, अशी माहिती आहे. 

कोलंबियात हवाई दलाचं विमान कोसळलं

Source : एबीपी माझा ग्राफिक्स टीम

नवी दिल्ली : कोलंबियात हवाई दलाचं एक विमान दुर्घटनाग्रस्त होऊन कोसळलं आहे. या विमानातून 110 जवान प्रवास करत होते, अशी माहिती आहे. हवाई दलाचं विमान उड्डाण घेतल्यानंतर लगेचेच कोसळल्याची माहिती आहे. ही दुर्घटना दक्षिण अमेझॉन क्षेत्रातील पेरुच्या सीमेजवळ प्यूर्टो  लेगुइजामो भागात झाली.  

स्थानिक वृत्तसंस्था ब्लू रेडिओनं म्हटलं की या विमानात 110 जवान होते. कोलंबियाच्या संरक्षण मंत्रालयानं दिलेल्या माहितीनुसार सोमवारी देशाच्या दक्षिण भागात एक लॉकहीड मार्टिन हरक्यूलिस C-130 विमान दुर्घटनाग्रस्त झालं आहे.  

Colombia Air Force Plane Crash: संरक्षण मंत्र्यांनी दिली माहिती

कोलंबियाचे संरक्षण मंत्री पेड्रो सांचेन यांनी म्हटलं की ही दुर्घटना  विमान पेरुच्या सीमेजवळील कोलंबियाच्या दक्षिण अमेझॉन येथील प्यूर्टो लेगुइजामो येथून उड्डाण करत होतं. याविमानात सशस्त्र दलाचे जवान होते. ते म्हणाले की पीडितांची योग्य संख्या अजून समजली नाही, दुर्घटनेचे कारण देखील समोर आलेलं नाही. ब्लू रेडिओनं अधिकाऱ्यांच्या हवाल्यानं म्हटलं की या विमानात 110 जवान होते. ही दुर्घटना एका शहरापासून 3 किलमीटर अंतरावर झाली. हा अपघात नेमका कशामुळं घडला हे समोर आलेलं नाही. मात्र, हे विमान जिथं कोसळलं तिथले व्हिडिओ समोर आले आहेत.

फेब्रुवारी महिन्याच्या शेवटी बोलिवियात हवाई दलाचं आणखी एक हरक्युलिस सी- 130 विमान राजधानी ला पाज जवळ ऑल्टोमध्ये दुर्घटनाग्रस्त झालं होतं. या दुर्घटनेत 20 जणांचा मृत्यू झाला होता. तर 30 जण जखमी झाले होते. त्या विमानातील पैसे शहरातील विविध भागात पडले होते त्यामुळं सुरक्षा दल आणि लोकांमध्ये संघर्ष झाला होता.   

C-130 विमानाचं वैशिष्ट्य काय? 

C-130  विमानाची निर्मिती अमेरिकन संरक्षण कंपनी लॉकहीड मार्टिन करते.  हे विमान मोठ्या आकारचं असून त्याची लांबी 30 मीटर आणि ऊंची 12 मीटर आहे. या विमानातून 19 टन वजनाच्या साहित्याची वाहतूक केली जाऊ शकते. विमान 643 किलोमीटरच्या वेगानं  उड्डाण करु शकतं. हे विमान खराब वातावरणं असलं तरी उड्डाण करु शकतं. अमेरिका आणि भारतासह  23 हून अधिक देश या विमानाचा वापर करतात.  

🚨 A Colombian Air Force C‑130 Hercules went down near Puerto Leguízamo, Putumayo. Just after takeoff.

Around 100 military personnel were on board, as two full pelotons were in transit.

Rescue efforts are in full swing, but info on casualties is still coming in.

Authorities… pic.twitter.com/vkOtyo707c

— Jabotinsky Jew (@CrazyVideosOnly) March 23, 2026