Russia-Ukraine Conflicts : युक्रेनमधून 241 प्रवाशांना घेऊन Air India चे विमान आज दिल्ली विमानतळावर पोहोचणार

एकूण 241 प्रवाशांसह युक्रेनहून (Ukraine) एअर इंडियाचे (Air India) विशेष विमान आज दिल्ली विमानतळावर पोहचणार आहे.

air_india_flight

Russia-Ukraine Conflicts : एकूण 241 प्रवाशांसह युक्रेनहून (Ukraine) एअर इंडियाचे (Air India) विशेष विमान आज दिल्ली विमानतळावर पोहचणार आहे. ते आज रात्री दिल्ली विमानतळावर 10.15 वाजता ते उतरणार होते. पण आता याला विलंब होणार आहे, युक्रेन आणि त्याच्या सीमेजवळील भागात सुमारे 20 हजार भारतीय राहतात. भारत सरकार आता तिथून सर्व भारतीय नागरिकांना परत आणण्याचा प्रयत्न करताना दिसत आहे. युक्रेनमधील प्रचंड तणाव लक्षात घेता कीव येथून आणखी चार उड्डाण्णांचा निर्णय घेण्यात आला आहे. युक्रेनमधील भारतीय दूतावासानुसार, कीव ते दिल्ली चार उड्डाणे 25 फेब्रुवारी, 27 फेब्रुवारी आणि 6 मार्च दरम्यान चालवण्यात येणार आहे.

युक्रेनमधील भारतीय विद्यार्थ्यांसाठी सल्लागार जारी
युक्रेनमधील भारतीय दूतावासाने मंगळवारी पुन्हा एकदा भारतीय विद्यार्थ्यांना तो देश तात्पुरता सोडण्यास सांगितले. युक्रेनमध्ये वैद्यकीय शिक्षण देणाऱ्या विद्यापीठांद्वारे ऑनलाइन अभ्यासाबाबत भारतीय विद्यार्थ्यांच्या प्रश्नांना उत्तर देताना, दूतावासाने सांगितले की ते या प्रकरणी संबंधित प्राधिकरणाच्या संपर्कात आहेत.आपल्या ताज्या सल्ल्यामध्ये, मिशनने म्हटले आहे की, "विद्यार्थ्यांना विद्यापीठाकडून अधिकृत शब्दाची वाट पाहण्याऐवजी त्यांच्या स्वत: च्या सुरक्षिततेच्या हितासाठी युक्रेन तात्पुरते सोडण्याचा सल्ला दिला जातो."

भारतीय दूतावासाची अॅडव्हायझरी जारी 
रविवारी, भारतीय दूतावासाने एक अॅडव्हायझरी जारी करून भारतीय नागरिकांना त्यांच्या मुक्कामाची आवश्यकता नसल्यास तात्पुरते देश सोडण्यास सांगितले. यासोबतच भारताने युक्रेनमधील दूतावासातील कर्मचाऱ्यांच्या कुटुंबीयांना मायदेशी परतण्यास सांगितले होते.

परिस्थिती अत्यंत तणावपूर्ण
रशियन राष्ट्राध्यक्ष व्लादिमीर पुतिन यांनी पूर्व युक्रेनमधील दोन रशियन-समर्थित फुटीरतावादी प्रदेशांना - डोनेस्तक आणि लुहान्स्क पीपल्स रिपब्लिक - "स्वतंत्र" देश म्हणून मान्यता दिली आहे. रशियाच्या या कारवाईनंतर युक्रेन आणि त्यांच्यातील तणाव शिगेला पोहोचला आहे. एवढेच नाही तर पुतिन यांनी रशियन सैन्याला पूर्व युक्रेनमधील फुटीरतावादी भागात ‘शांतता राखण्याचे’ आदेश दिले आहेत. दोन्ही भागात रशियन सैन्याची तैनाती म्हणून या आदेशाकडे पाहिले जात आहे.

इतर महत्त्वाच्या बातम्या: 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha