Afghanistan Earthquake Video : अफगाणिस्तानमध्ये विनाशकारी भूकंप! 2000 जणांचा मृत्यू, शक्तिशाली भूकंपानंतरचं वास्तव दाखवणारी दृश्यं

Afghanistan Earthquake Update : तालिबानच्या प्रवक्त्याने दिलेल्या माहितीनुसार, अफगाणिस्तानमध्ये शक्तिशाली भूकंप झाला असून मृतांची संख्या 2,000 च्या पुढे गेली आहे.

Afghanistan Earthquake ( Image Source :Twitter )

Afghanistan Earthquake Update : अफगाणिस्तान (Afghanistan) मध्ये जमीन हादरली आहे. अफगाणिस्तानमध्ये 6.3 रिश्टर स्केलचा भूकंप (Earthquake) आला आहे. या विनाशकारी भूकंपामुळे अनेकांचा मृत्यू झाल्याची माहिती आहे. पीटीआयने दिलेल्या वृत्तानुसार, भूकंपामुळे आतापर्यंत 2000 जणांचा मृत्यू झाला आहे, तर हजारो नागरिक जखमी झाल्याचीही माहिती समोर येत आहे. दरम्यान, शोध आणि बचावकार्य सुरु असून मृतांचा आकडा आणखी वाढण्याची भीती व्यक्त केली जात आहे.

विनाशकारी भूकंपात 2000 जणांचा मृत्यू

पश्चिम अफगाणिस्तानमध्ये शनिवारी भीषण भूकंप झाला आहे. 6.3 रिश्टर स्केल तीव्रतेचा भूकंपानंतर जोरदार झटके बसल्याने मोठी जीवित आणि वित्तहानी झाली आहे. अफगाणिस्तानच्या राष्ट्रीय आपत्ती प्राधिकरणाने याबाबत माहिती दिली आहे. तालिबानच्या प्रवक्त्याने दिलेल्या माहितीनुसार, मृतांची संख्या 2,000 च्या पुढे गेली आहे.

Almost 2,000 people killed in powerful earthquakes in Afghanistan's west, says Taliban spokesman, reports AP

— Press Trust of India (@PTI_News) October 8, 2023

विनाशकारी भूकंपानंतरचं वास्तव दाखवणारी दृश्यं

अलजरीरा रिपोर्टनुसार, शनिवारी सकाळी 11 वाजता अफगाणिस्तानमधील हेरात शहराच्या पश्चिमेला 40 किमी अंतरावर 6.3 तीव्रतेचा भूकंप झाला, त्यानंतर शेजारील बडघिस आणि फराह प्रांतात जोरदार हादरे जाणवले. 

AFGHANISTAN, HERAT | VIDEO

Mortal earthquake hit Afghanistan's Herat province.

Death toll rises to 1000, but no aid sent there yet.#Afghanistan #earthquakes #Earthquick #AfghanistanEarthquake #Herat #Kabul pic.twitter.com/PhFGmYcq3P

— HADIA News (@HADIANews) October 7, 2023

 

BREAKING: Almost 2,000 dead after Afghanistan earthquakes, says Taliban#earthquake #AfghanistanEarthquake #Sismo #Deprem #Afghanistan pic.twitter.com/3K7P7mp3d5

— Chaudhary Parvez (@ChaudharyParvez) October 8, 2023

भूकंपानंतरही जोरदार हादरे 

शनिवारी अफगाणिस्तानमध्ये जोरदार भूकंप झाला. या भूकंपाची तीव्रता 6.3 रिश्टर स्केल होती. या शक्तिशाली भूकंपानंतरही पश्चिम अफिगाणिस्तानमध्ये भूकंपानंतर जोरदार हादरे म्हणजे आफ्टर शॉक बसले. याचे व्हिडीओही सोशल मीडियावर समोर येत आहेत.

#Afghanistan 6.5 Richter scale Earthquake pic.twitter.com/VzRGTI8efZ

— World on Videos (@TheCryptoSapie1) October 7, 2023

मृतांचा आकडा वाढण्याची भीती

आपत्ती प्राधिकरणाचे प्रवक्ते मोहम्मद अब्दुल्ला जान यांनी माहिती देत सांगितलं की, भूकंप आणि आफ्टरशॉकमुळे हेरात प्रांतातील झेंडा जान जिल्ह्यातील चार गावांतील अनेक घरांचं नुकसान झालं आहे. फराह आणि बगेस प्रांतात मोठ्या प्रमाणात नुकसान झाल्याची माहिती आहे. अफगाणिस्तानमधील जागतिक आरोग्य संघटनेने दिलेल्या माहितीनुसार, जखमींना रुग्णालयात नेण्यासाठी झेंडा जान येथे 12 रुग्णवाहिका पाठवण्यात आल्या असून जखमींना रुग्णालयात पोहोचवण्याचं काम तसेच बचावकार्य युद्धपातळीवर सुरु आहे.

महत्वाच्या इतर बातम्या :