Watch Fact : घड्याळ उजव्या मनगटावर बांधावे की डाव्या? काय आहे योग्य?

Watch Fact : लोक त्यांच्या सोयीनुसार उजव्या किंवा डाव्या हाताच्या मनगटावर घड्याळ बांधतात. पण बहुतेक लोक घड्याळ डाव्या हातात घालतात. यामागचं कारण जाणून घ्या.

Wrist Watch Fact

Wrist Watch Fact : तुमचा आत्मविश्वास वाढवण्यामध्ये तुमचे राहणीमान, याची महत्त्वाची भूमिका असते. टाप-टीप दिसण्याने तुमचा आत्मविश्वास कैकपटीने वाढतो. यामध्ये तुमचे कपडे, हेअरस्टाईल, शूज आणि तुमच्या हातात घातलेले घड्याळ असा सर्व मिळून तुमचा लूकमधून तुमचा आत्मविश्वास दिसून येतो. मनगटावरील घड्याळाचा (Wrist Watch) वापर वेळ पाहण्यासाठी तर होतो, पण त्यामुळे तुमच्या लूकमध्ये एक प्लस पॉईंट वाढतो. पण मनगटावरील घड्याळाबाबत तुमच्या एक गोष्ट लक्षात आली आहे का? काही लोक डाव्या हाताच्या मनगटावर तर काही लोक डाव्या हाताच्या मनगटावर घड्याळ बांधतात. पण बहुतेक लोक घड्याळ डाव्या हातात घालतात. यामागचं कारण तुम्हाला माहित नसेल तर, जाणून घ्या.

डाव्या मनगटावर घड्याळ बांधण्याचं 'हे' आहे कारण

बरेच लोक उजव्या हाताने महत्त्वाची कामे करतात. बरीचशी कामे सरळ हाताने केल्यामुळे उजवा हात बहुतेक वेळा व्यस्त राहतो. अशा परिस्थितीत उजव्या मनगटावरला घड्याळ बांधल्यास वेळ पाहण्यात अडचण येते आणि कामात अडथळा येतो. त्या उलट, डाव्या मनगटावर घड्याळ बांधल्यास पुन्हा पुन्हा वेळ पाहण्यात फारसा त्रास होत नाही. तुम्ही तुमच्या उजव्या हातातील काम कायम ठेवत दुसऱ्या हातावरील घड्याळामध्ये वेळ पाहू शकता.

याशिवाय, घड्याळ उजव्या हाताऐवजी डाव्या हातात बांधण्याचे एक कारण म्हणजे ते डाव्या हातात अधिक सुरक्षित आहे. या मागचं कारण म्हणजे बहुतेक लोक त्यांचे काम उजव्या हातानेच करतात. अशा वेळी उजव्या हातात घड्याळ खराब होण्याचा किंवा तुटण्याचा धोका जास्त असतो. म्हणूनच बहुतेक घड्याळ बनवणाऱ्या कंपन्या देखील डावा हात लक्षात घेऊन घड्याळ तयार करतात.

उजव्या मनगटावरही बांधतात घड्याळ 

सर्व लोक डाव्या मनगटावरलाच घड्याळ बांधतात असे नाही. उजव्या हातातही घड्याळ घालणारे अनेक लोक तुम्हाला दिसतील. यातील बहुतेक लोक असे आहेत, जे डावा हाताने काम करणारे डावखुरे असतात. घड्याळ कोणत्या हातात घालावे हा प्रत्येकाच्या सवडीचा विषय आहे. कुणाला डाव्या हातात घड्याळ बांधणे सवडीचं वाटत तर काहींना उजव्या हातात घड्याळ घालणे सोयीस्कर वाटते. हे प्रत्येकाच्या कम्फर्ट लेव्हलवरही अवलंबून असते.

पूर्वी काय पद्धत होती?

आता घड्याळ मनगटावर बांधले जाते, पण सुरुवातीला तसे नव्हते. पूर्वी घड्याळ खिशात ठेवले जायचे. त्याकाळी मनगटावरील घड्याळांचा शोध लागला नव्हता. जुन्या काळी छोटी गोलाकार घड्याळ असायची, त्यांना साखळी असायची. हे घड्याळ खिशात ठेवले जायचे. पण आता काळ बदलला आणि आज घड्याळ खिशातून बाहेर पडून मनगटावर आले आहे.