Vande Bharat Train : प्रत्येक ट्रेनच्या शेवटच्या डब्यावर X मार्क असतो; मग 'वंदे भारत'वर का नाही? वाचा खरं कारण
Vande Bharat Train : जेव्हा ट्रेन स्टेशनवरून जाते, तेव्हा रेल्वे कर्मचारी शेवटच्या डब्यावर बनवलेले X चिन्ह पाहून ट्रेनचा शेवटचा डबा असल्याची खात्री करतात.
Why There Is No X Sign On Vande Bharat Train : प्रत्येक ट्रेनच्या शेवटच्या डब्यावर X हे चिन्ह असते. हे चिन्ह सुरक्षिततेच्या दृष्टीने बनवले जाते. हा डबा ट्रेनचा शेवटचा डबा असल्याचे हे चिन्ह दर्शवते. मात्र, वंदे भारत ट्रेन (Vande Bharat Train) च्या शेवटच्या डब्यावर X चिन्ह आपल्याला कुठेच दिसत नाही. याचं कारण म्हणजे वंदे भारत ही हायस्पीड ट्रेन असून ती पूर्णपणे संलग्न आहे. ही ट्रेन दोन्ही दिशेने धावू शकते, त्यामुळे तिला एक्स (X) मार्क दिसत नाही.
X चिन्ह शेवटचा डब्बा दर्शविते
वंदे भारत ट्रेनबद्दल हे जाणून घेतल्यानंतर, इतर ट्रेनमध्ये X चिन्ह का आहे हे समजण्यास मदत होईल. रेल्वेमध्ये सुरक्षेच्या बाबतीत अनेक प्रकारचे सिग्नल किंवा चिन्हे वापरली जातात. त्याचप्रमाणे ट्रेनच्या शेवटच्या डब्यावर X चे चिन्ह खास रेल्वे अधिकारी आणि कर्मचाऱ्यांसाठी बनविण्यात आले आहे. X ची खूण ट्रेनचा शेवटचा डबा आहे हे सूचित करते.
हे चिन्ह का महत्त्वाचं आहे?
जेव्हा जेव्हा एखादी ट्रेन स्टेशनवरून जाते तेव्हा रेल्वे कर्मचारी शेवटच्या डब्यावरील X चिन्हाकडे पाहतात. ती खूण पाहिल्यानंतर ते रेल्वेचा शेवटचा डबा असल्याची खात्री करतात. जर X चिन्ह नसेल तर याचा अर्थ त्या ट्रेनच्या मागील बाजूस ठेवलेले डबे ट्रेनपासून वेगळे झाले आहेत आणि कुठेतरी मागे पडले आहेत. यानंतर कर्मचाऱ्यांनी ताबडतोब नियंत्रण कक्षाला फोन करून सांगितले की, या ट्रेनच्या मागील बाजूचे काही डबे ट्रेनपासून वेगळे झाले आहेत आणि ते मागे पडले आहेत. त्यामुळे कोणत्याही ट्रेनच्या शेवटच्या डब्यात X चिन्ह दिसणे फार महत्वाचे आहे. अन्यथा, ही एक धोकादायक परिस्थिती असू शकते.
वंदे भारत ट्रेनची वैशिष्ट्य
वंदे भारत एक्सप्रेसमध्ये प्रत्येक दरवाजाबाहेर स्वयंचलित सरकते दरवाजे आणि स्वयंचलित फूटरेस्ट देखील आहेत. हे गेट स्थानकावर आपोआप उघडत असल्याने प्रवाशांची सोय होते. वंदे भारत ट्रेनमध्ये आकर्षक सीट आहेत. याबरोबरच प्रत्येक सीटखाली चार्जिंग पॉइंटही देण्यात आले आहेत.
प्रवाशांच्या मनोरंजनाचीही काळजी घेतली जाते
वंदे भारत ट्रेनमध्ये प्रवाशांच्या मनोरंजनाचीही काळजी घेतली जाते. या ट्रेनमध्ये 32 इंचाचा टीव्ही स्क्रीन देखील आहे. वंदे भारत ट्रेनमध्ये प्रवाशांच्या सुरक्षेची पूर्ण काळजी घेतली जाते. हे फायर सेन्सर, जीपीएस आणि कॅमेरा यांसारखी सुरक्षाव्यवस्था आहे.
महत्त्वाच्या बातम्या :
महत्त्वाच्या बातम्या
