Barvi Dam News : बारवी धरणाच्या प्रकल्पग्रस्तांच्या नोकरीची सोडत संपन्न, 411 बाधितांना लवकरच मिळणार जॉब
Thane Barvi Dam News : ठाणे जिल्ह्याची तहान भागविणार्या बारवी धरणाची दुसऱ्या टप्प्यातील उंची वाढवण्याचे काम पूर्ण झाले आहे.
Thane Barvi Dam News : ठाणे जिल्ह्याची तहान भागविणार्या बारवी धरणाची (Barvi Dam) दुसऱ्या टप्प्यातील उंची वाढवण्याचे काम पूर्ण झाले आहे. त्यानंतर या धरणात बाधित झालेल्याचे पुनर्वसन करण्यात आलेय. बधितांपैकी 209 जणांना एम आय डी सीच्या नोकरीत (JOB) समाविष्ट करण्यात आले आहे. तर पहिल्या फेरीतील 411 बधितांपैकी कोणाला कोणत्या प्राधिकरनात नोकरी मिळणार आहे, याचा आज सोडतीच्या माध्यमातून निर्णय घेण्यात आला. उमेदवारांना कोणत्या प्राधिकरणात नोकरी मिळणार हे सोडती द्वारे जाहीर करण्यात आले. एम आय डी सी कडून आज कल्याण मधील आचार्य अत्रे रंग मंदिरात ही सोडत काढण्यात आली.
बारवी धरणाची उंची वाढविल्यानंतर धरण क्षेत्रात बाधित झालेल्याना मोबदला म्हणून पुनर्वसन करण्याबरोबरच कुटुंबातील एकाला सरकारी नोकरीत समविष्ट करण्याचा निर्णय घेण्यात आला आहे. 1204 प्रकल्पग्रस्तांमधील 209 बाधितांना एमआयडीसीने नोकरी दिली असली तरी पहिल्या फेरीत पात्र ठरलेले 411 जण अजूनही नोकरीच्या प्रतीक्षेत होते. या उमेदवारांनी पात्रतेचे निकष पूर्ण केल्याने या उमेदवारांना तातडीने नोकरीत समाविष्ट करण्याचे निर्देश देण्यात आले होते. एमआयडीसीने बारवीतून पाणी उचलणाऱ्या सर्व प्राधिकरणाना या उमेदवारांना तातडीने सेवेत दाखल करून घेण्याचे पत्र पाठवले होते. यांनातर आता पहिल्या टप्प्यात पात्र उमेदवारांसाठी प्राधिकरण निश्चित करण्यासाठी एमआयडीसीकडून सोडत काढण्यात अली. पात्र उमेदवारांना ठाणे, कल्याण डोंबिवली, नवी मुंबई, उल्हासनगर, मीरा भाईंदर, बदलापूर, अंबरनाथ, स्टेम आणि जीवन प्राधिकरण या प्राधिकरणापैकी कोणत्या प्राधिकरणात नोकरी मिळणार हे निश्चित करून त्या प्राधिकरणासाठी अधीक्षक अभियंता सुधीर नागे आणि प्रांताधिकारी अभिजित भांडे पाटील यांच्या हस्ते पत्र देण्यात आले.
आता त्या प्राधिकरणाकडे आवश्यक कागदपत्रांची पूर्तता केल्यानंतर या उमेदवारांना नोकरी मिळणार आहे. तर उर्वरित 548 बधितांना दुसऱ्या टप्प्यात नोकरी दिली जाणार आहे. या पात्र उमेदवारांनी संबंधित विभागाकडे अर्ज करावेत. या अर्जाची छाननी करून प्रक्रिया पूर्ण करत दुसऱ्या टप्प्याची सोडत काढली जाणार असल्याचे एमयडीसी चे अधीक्षक अभियंता सुधीर नागे यांनी संगीतले.
महत्त्वाच्या बातम्या
ट्रेंडिंग न्यूज
