Reliance Jio : भारतातील सर्वात स्वस्त प्रीपेड रिचार्ज प्लॅन 24 तासाच्या आत जीओने घेतला मागे

Reliance Jio : रिलायन्स जिओने भारतातील सर्वात स्वस्त प्रीपेड रिचार्ज प्लॅन काल जाहीर केला असून आज लगेच मागे घेतला आहे.

जिओ

Reliance Jio : रिलायन्स जिओने भारतातील सर्वात स्वस्त प्रीपेड रिचार्ज प्लॅन काल जाहीर केला असून आज लगेच मागे घेतला आहे. चोवीस तासाच्या आत रिलायन्स जिओने ग्राहकांना जोरदार झटका दिला आहे. देशातील कुठल्याही नेटवर्क कंपनीने एवढा स्वस्तातला प्लॅन अजून काढलेला नव्हता. 

जिओचा हा नवीन प्लॅन अवघ्या एक रुपयात मिळणार होता. तसेच ग्राहकांना या रिचार्जवर 30 दिवसांची वॅलिडीटीही मिळणार होती. तसेच जिओचा हा नवीन प्लॅन फक्त माय जिओ ऍप वर उपलब्ध होणार होता. 

भारतात सध्यातरी दुसरी कोणतीही टेलिकॉम कंपनी एक रुपयात कुठलाही प्लॅन ऑफर करत नाही. एका रुपयांच्या प्लॅन मध्ये ग्राहकांना 100 एमबी डेटा मिळणार. या प्लॅनची वैधता 30 दिवसांची असणार. हा 100 एमबी डेटा संपल्यानंतर ग्राहकांना अनलिमिटेड इंटरनेट मिळणार. परंतु स्पीड कमी होऊन ग्राहकांना 64Kbps स्पीड मिळेल, असे जीओने जाहीर केले होते. 

जिओचा नवीन रिचार्ज प्लॅन माय जिओ ऍपवर जाऊन Other Plans मध्ये गेल्यावर Value सेक्शनवर दिसणार होता. काल हा प्लॅन 30 दिवसांची वैधता आणि 100MB डेटा देत होता. पण आता या प्लॅनची सदस्यता घेतल्यास यूजर्सला फक्त 1 दिवसाची वैधता आणि 100MB डेटा मिळेल. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha