Made in India Iphone 13 : आता आयफोन 13 तयार होणार भारतात, लवकरच निर्मितीला सुरुवात

Made in India Iphone 13 : लवकरत आयफोन 13 ची निर्मिती भारतात सुरु होणार आहे, यासाठीची तयारी पूर्ण झाली आहे. चेन्नईजवळील फॉक्सकॉन प्लांटमध्ये iPhone 13 सिरीजचं ट्रायल प्रोडक्शन सुरू झाले आहे.

Made in India Iphone 13 : सध्या मोबाईल विश्वात सर्वात आधुनिक फोनमधील एक म्हणजे अॅपल कंपनीचा (Apple) आयफोन 13 (iPhone 13). या फोनला बाजारात बरीच मागणी असून यातील काही फिचर्स हे पहिल्यांदाच कोणत्यातरी मोबाईलमध्ये देण्यात आले आहेत. दरम्यान आता हा आधुनिक आयफोन 13 'मेड इन इंडिया' होणार आहे. म्हणजेच या फोनची निर्मिती भारतात सुरु होणार आहे.  चेन्नईजवळील फॉक्सकॉन प्लांटमध्ये iPhone 13 सिरीजचं ट्रायल प्रोडक्शन देखील सुरू झालं आहे. भारतात आयफोन 13 चे कमर्शियल प्रोडक्शन लवकरच सुरू होईल अशी अपेक्षा आहे. तसंच हे इंडिया मेड आयफोन 2022 वर्षापर्यंत विक्रीसाठी उपलब्ध होतील.

इकॉनॉमिक टाईम्सच्या रिपोर्टनुसार, अॅपलला त्यांचे सर्व टॉप-सेलिंग स्मार्टफोन मॉडेल्स भारतात बनवायचे आहेत. कंपनी लवकरच देशांतर्गत बाजारपेठेसाठी तसेच निर्यातीसाठी iPhone 13 चे उत्पादन सुरू करेल. तसंच पुरवठ्याचा आभाव असूनही अॅपलने सेमीकंडक्टर चिप्स साठवल्या असल्याचे अहवालात सांगण्यात आले आहे.  

भारतात आयफोन 13 चे उत्पादन अॅपलला फायद्याचे

इकॉनॉमिक टाईम्सच्या रिपोर्टनुसार, भारतात आयफोन 13 चे उत्पादन अॅपल कंपनीला जागतिक बाजारपेठेत अधिक फोन्स पुरवण्यास मदत करेल. अॅपल कंपनी आधीच भारतातील Foxconn Play येथे iPhone 11 आणि iPhone 12 आणि बंगळुरुतील विस्ट्रॉन प्लांटमध्ये सेकेंड जनरेशन iPhone SE चे उत्पादन करत आहे. अहवालानुसार, भारतात विकल्या जाणार्‍या स्मार्टफोनपैकी 70 टक्के स्मार्टफोन अॅपलचे आहेत, ज्यात iPhone XR, iPhone 11, iPhone 12, iPhone XR आणि iPhone SE यासह सर्वाधिक विकले जाणारे मॉडेल समाविष्ट आहेत आणि लवकरच सर्वाधिक विक्री होणाऱ्या स्मार्टफोन्सच्या यादीत आयफोन 13 चा समावेश होईल.

संबंधित बातम्या :

मराठी लाईव्ह न्यूज सुपरफास्ट पाहा ABP Majha वर, मुंबई, पुणे, नागपूर, औरंगाबाद, मनोरंजन, क्रिकेट, देश-विदेशातील प्रत्येक बातमी सर्वात आधी एबीपी माझावर Live