Bulletproof iPhone : बंदुकीच्या गोळीचाही सामना करणार Bulletproof iPhone 13, जाणून घ्या किंमत

Bulletproof iPhone 13 : लग्जरी ब्रॅंड Caviar iPhone Stealth iPhone सीरीज सादर केली आहे. या सीरीजमधील फोन चक्क बंदुकीच्या गोळीचा सामना करू शकतो

Written By : एबीपी माझा वेब टीम | Edited By: प्राची आमले | Updated at : 17 Dec 2021 04:48 PM (IST)

Bulletproof iPhone

Bulletproof iPhone : लग्जरी ब्रॅंड Caviar कायम iPhone सीरीजला नवा आणि स्पेशल लूक देण्यासाठी ओळखला जातो. आता Caviar Stealth iPhone सीरीज सादर केली आहे. या फोनचे वैशिष्ट्य असे आहे की, हा फोन बंदुकीच्या गोळीचा सामना करू शकतो. नव्या Stealth iPhone 2.0 सीरीजमध्ये iPhone 13 Pro आणि iPhone 13 Pro Max चा समावेश करण्यात आला आहे. या दोन फोनला BR-2 क्लास 2 बुलेटप्रूफ आर्मरने कस्टमाइज करण्यात आले आहेत.

हा फोन इतका मजबूत आहे की, बंदुकीच्या गोळीचा देखील सामना करू शकतो तसेच फोन काही होणार नाही. iPhone 13 सीरीज कस्टमाइज एडिशनमध्ये, त्याचे मूळ भाग कायम ठेवण्यात आले आहेत. Caviar आपल्या iPhone कस्टम मॉडल लॉन्च करण्यासाठी ओळखला जातो. हा फोन गोल्ड प्लेटेड आहे. या फोनचे पार्टस् अतिशय महागडे असतात. काही दिलसापूर्वी लॉन्च केलेल्या बुलेट-रेस्सिटेंट डिवाइस ला Stealth 2.0 नावाने देखील ओळखले जाते.

कंपनीने सांगितले की, हा उच्च सुरक्षा पातळीचा स्मार्टफोन त्या लोकांसाठी आहे जे गोपनीय संस्थांमध्ये काम करतात. जे लोक आपल्या देशासाठी आपले प्राण धोक्यात टाकतात. या लोकांच्या एका कॉलने आंतरराष्ट्रीय पातळीवरील मोठी प्रकरणे सोडवली जातात. हा फोन मिडनाइट ब्लॅक, बोल्ड लाईन आणि एम्बॉस्ड सॅटिन फिनिशसह ऑफर केला आहे. लग्जरी ब्रॅंड Caviar ने यूट्यूब चॅनेलवर याचा व्हिडीओ शेअर केला आहे.

Caviar iPhone 13 Pro आणि iPhone 13 Pro Max ची किंमत:

Caviar iPhone 13 Pro आणि iPhone 13 Pro Max हे दोन्ही फोन 1 TB स्टोरेजमध्ये खरेदी केले जाऊ शकतात. Phone 13 Pro Max ची किंमत 7980 डॉलर म्हणजेच जवळपास 6.08 लाख रुपये आहे. तर iPhone 13 Pro ची किंमत 6370 डॉलर म्हणजे जवळपास 4.85 लाख रुपये आहे.

संबंधित बातम्या :