एक्स्प्लोर

iQoo Neo 6 Smartphone : iQoo Neo 6 ची लॉन्च डेट फायनल; पाहा किंमत आणि फीचर्स

iQoo Neo 6 Smartphone : iQoo Neo 6 च्या भारतीय व्हेरिएंटमध्ये 120Hz रिफ्रेश रेटसह 6.62-इंचाचा E4 AMOLED डिस्प्ले असण्याची अपेक्षा आहे.

Written By : एबीपी माझा वेब टीम | Edited By: प्रिया मोहिते | Updated at : 22 May 2022 06:44 PM (IST)

iQoo Neo 6

iQoo Neo 6 Smartphone : iQoo Neo 6 ची भारतात लॉन्चची तारीख निश्चित झाली आहे. या महिन्यात 31 मे रोजी हा स्मार्टफोन लॉन्च होणार आहे. रिपोर्ट्सनुसार, iQoo Neo 6 च्या भारतीय व्हेरिएंटमध्ये 120Hz रिफ्रेश रेटसह 6.62-इंचाचा E4 AMOLED डिस्प्ले असण्याची अपेक्षा आहे. हँडसेट Android 12 वर चालेल. iQoo Neo 6 भारतात स्नॅपड्रॅगन 870 5G चिपसेटसह येणार असल्याचे सांगण्यात आले आहे. iQoo Neo 6 चा चीनी व्हेरिएंट एप्रिलमध्ये लाँच करण्यात आला होता आणि तो QualcommSnapdragon 8 Gen 1 SoC द्वारे समर्थित आहे.

iQoo Neo 6 Features :

iQoo Neo 6 च्या भारतीय व्हेरियंटमध्ये 8GB पर्यंत RAM आणि 128GB इनबिल्ट स्टोरेज असल्याचे सांगितले जाते. हँडसेटमध्ये 16-मेगापिक्सेल फ्रंट कॅमेरा, 64-मेगापिक्सेल (OIS), 8-मेगापिक्सेल आणि 2-मेगापिक्सेल सेन्सर्ससह ट्रिपल रिअर कॅमेरा सेटअप व्यतिरिक्त समाविष्ट आहे. iQoo Neo 6 च्या भारतीय प्रकारात 4,700mAh बॅटरी असण्याची अपेक्षा आहे. हँडसेटमध्ये 80W फास्ट चार्जिंग फीचर देखील आहे.

iQoo Neo 6 price :

iQoo Neo 6 ची बेस व्हेरियंटची किंमत 29,000 रुपये असण्याची अपेक्षा आहे. दरम्यान, हाय एंड व्हेरियंटची किंमत 31,000 रुपयांपेक्षा जास्त असण्याची शक्यता आहे. iQoo Neo 6 डार्क नोव्हा आणि इंटरस्टेलर या दोन रंगांच्या पर्यायांमध्ये उपलब्ध होण्याची अपेक्षा आहे. iQoo Neo 6 ची भारतात लॉन्चची तारीख 31 मे असल्याचा उल्लेख Twitter वर केला आहे. या आठवड्याच्या सुरुवातीला, ई-कॉमर्स साइटने एक अधिसूचना जारी केल्यानंतर लॉन्चची तारीख लीक झाली होती. आणखी एका अहवालात असा दावा करण्यात आला आहे की, आगामी iQoo स्मार्टफोन जूनच्या पहिल्या आठवड्यात विक्रीसाठी जाण्याची शक्यता आहे.

महत्वाच्या बातम्या :