आयबॉलचा 'अँडी विंक 4G' स्मार्टफोन लॉन्च, किंमत फक्त....

मुंबई : आयबॉल या होम इलेक्ट्रॉनिक्स कंपनीने 'अँडी विंक 4जी' स्मार्टफोन लॉन्च केला आहे. आयबॉल अँडी विंक 4 जी स्मार्टफोनची किंमत 5 हजार 999 रुपये आहे. रिटेल स्टोअर्समधून हा स्मार्टफोन खरेदी करता येणार आहे. फीचर्स : आयबॉल अँड विंक 4जी मध्ये 5 इंचाचा FWVGA (854 x 480 पिक्सेल) डिस्प्ले असून, 1 गीगाहर्ट्झ क्वाड-कोर प्रोसेसर आहे आणि 2 जीबी रॅम आहे. इनबिल्ट स्टोरेज 16 जीबी असून, 32 जीबीपर्यंत मायक्रोएसडी कार्डच्या सहय्याने स्टोरेज वाढवण्याची सुविधाही उपलब्ध आहे. हा ड्युअल सिम स्मार्टफोन अँड्रॉईड 6.0 मार्शमॅलोवर चालणारा आहे. कॅमेरा आणि बॅटरी : या स्मार्टफोनमध्ये 5 मेगापिक्सेलचा एलईडी फ्लॅशसोबत रिअर कॅमेरा, तर 2 मेगापिक्सेलचा फ्रंट कॅमेरा आहे. 2300 एमएएच क्षमतेची बॅटरी या स्मार्टफोनमध्ये आहे. कनेक्टिव्हिटी : 4 जी व्हीओएलटीई सपोर्ट असणारा या स्मार्टफोनमध्ये जिओ सिम वापरणंही शक्य होणार आहे. कमेक्टिव्हिटी फीचर्समध्ये 3.5 एमएम ऑडीओ जॅक, एफएम रेडीओ, वायफाय 802.11 बी/जी/एन, ब्लूटूथ 4.0 आणि जीपीएस यांचा समावेश आहे.