इंटरनेट सर्फिंगसाठी एअरटेलची जबरदस्त ‘डबल डेटा’ ऑफर

नवी दिल्लीः एअरटेलने आपल्या ग्राहकांसाठी जबरदस्त 'डबल डेटा' ऑफर आणली आहे. या ऑफरमुळे ग्राहकांना रात्रीच्या वेळी अतिरिक्त इंटरनेट डेटा मिळणार आहे. या ऑफरचा रिचार्ज केल्यास जेवढा डेटा मिळेल, तेवढाच डेटा रात्रीच्या वेळी अतिरिक्त मिळणार आहे.   काय आहे ऑफर?   ऑफरनुसार ग्राहकांना 186 रुपयांचं रिचार्ज करावं लागेल. यामध्ये एकूण 800 MB इंटरनेट डेटा मिळेल. यातील 400 MB डेटा नेहमीप्रमाणे वापरता येईल, पण रात्री अतिरिक्त 400 MB डेटा मिळणार आहे.   तर 296 रुपयांमध्ये ग्राहकांना 2 GB डाटा मिळेल, यापैकी 1 GB सर्वसाधारणपणे वापरता येईल, तर उर्वरित 1 GB रात्री वापरता येणार आहे.   याशिवाय 546 रुपयांच्या रिचार्जमध्ये ग्राहकांना 4 GB डेटा मिळणार आहे. यापैकी 2 GB नियमित तर 2 GB रात्री वापरता येणार आहे.   एअरटेलने 3 हजार 346 रुपयांची मेगाऑफरसुद्धा ग्राहकांसाठी आणली आहे. यामध्ये एकूण 40 GB डेटा मिळणार आहे. यापैकी 20 GB नियमित तर 20 GB केवळ रात्री वापरता येणार आहे.   ऑफरबद्दल अधिक माहिती एअरटेलच्या वेबसाईटवर उपलब्ध आहे. स्मार्टफोनची वाढती संख्या आणि ऑनलाईल व्यवहारांची वाढती गरज लक्षात घेऊन एअरटेलने ही ऑफर आणली आहे, असं ही नवीन ऑफर देताना एअरटेलचे मार्केटींग ऑपरेशन संचालक अजय पुरी यांनी सांगितलं.