Shoaib Malik Wedding : सानिया मिर्झासोबतच्या घटस्फोटाच्या चर्चा; शोएब मलिकने पाकिस्तानी अभिनेत्रीसोबत थाटला संसार

Shoaib Malik Sana Javed : सानिया मिर्झाच्या पतीने (Sania Mirza) पाकिस्तानी अभिनेत्री सना जावेदसोबत दुसरं लग्न केलं आहे. त्यांचा फोटो सोशल मीडियावर व्हायरल होत आहे.

Shoaib Malik Sana Javed (Image Source : Instagram/ realshoaibmalik)

Shoaib Malik Sana Javed Wedding : भारतीय टेनिस स्टार सानिया मिर्झा (Sania Mirza) आणि माजी पाकिस्तानी क्रिकेटर शोएब मलिक (Shoaib Malik) यांच्या घटस्फोटाच्या चर्चा काही दिवसांपासून सुरू आहेत. घटस्फोटाच्या चर्चेदरम्यान शोएबने पाकिस्तानी अभिनेत्री सना जावेदसोबत (Sana Javed) तिसरं लग्न केलं आहे. सोशल मीडियावर फोटो शेअर करत शोएबने चाहत्यांना आनंदाची बातमी दिली आहे.

सानिया मिर्झा आणि पाकिस्तानी क्रिकेटर शोएब मलिक यांच्या घटस्फोटाच्या चर्चांनी सर्वांना हैराण केलं आहे. दरम्यान शोएबने पाकिस्तानी अभिनेत्रीसोबत तिसरं लग्न केलं आहे. सोशल मीडियावर सना जावेदसोबतचे लग्नसोहळ्याचे फोटो त्याने शेअर केले आहेत.

 

 

 

 

 

View this post on Instagram

 

 

 

 

 

 

 

 

 

 

 

A post shared by Shoaib Malik (@realshoaibmalik)

शोएबने शेअर केले फोटो (Shoaib Malik Shared Photo)

शोएबने सोशल मीडियावर लग्नसोहळ्याचे फोटो शेअर करत छान कॅप्शन लिहिलं आहे. त्याने लिहिलं आहे,"अलहमदुलिल्लाह". शोएबने शेअर केलेल्या फोटोंवर चाहते अभिनंदनाचा वर्षाव करत आहेत. लग्नसोहळ्याच्या फोटोंमध्ये शोएब आणि सना खूपच आनंदी दिसत आहेत. शोएब मलिकचं हे तिसरं तर सना जावेदचं दुसरं लग्न आहे.

कोण आहे सना जावेद? (Who is Sana Javed)

सना जावेद ही लोकप्रिय पाकिस्तानी अभिनेत्री आहे. तिने आजवर छोट्या पडद्यावरील अनेक कार्यक्रमांमध्ये काम केलं आहे. 28 वर्षीय सना सोशल मीडियावर चांगलीच अॅक्टिव्ह आहे. 'ऐ मुश्त-ए-खाक' आणि 'डंक'सह अनेक कार्यक्रमांचा ती भाग आहे. तसेच काही म्युझिक व्हिडीओमध्येदेखील ती दिसून आली आहे. सनाने 2012 मध्ये 'शहर-ए-जात'च्या माध्यमातून मनोरंजनसृष्टीत पदार्पण केलं.

शोएब-सानियाचं बिनसलं? 

शोएब मलिक आणि सानिया मिर्झा 2010 मध्ये लग्नबंधनात अडकले होते. सानियाला इजहान नावाचा मुलगा आहे. गेल्या काही दिवसांपासून शोएब आणि सानियाचं बिनसलं असल्याची चर्चा आहे. तसेच त्यांचा घटस्फोट होणार असल्याच्याही चर्चा सुरू होत्या. 

सानियाने काही दिवसांपूर्वी सोशल मीडियावर एक रहस्यमय पोस्ट शेअर केली होती. तिने लिहिलं होतं,"लग्न अवघड आहे. घटस्फोटही अवघड आहे. वाढलेलं वजन अवघड बाब आहे. त्याप्रमाणे फिट राहणंदेखील गरजेचं आहे. कर्जबाजारी राहणं अयोग्य आहे. आयुष्यात कोणतीही गोष्ट सोपी नाही. पण योग्य मार्ग निवडणं तुमच्या हातात आहे". 

संबंधित बातम्या