Sara Ali Khan : 'गॅसलाइट' पाठोपाठ सारा अली खान झळकणार 'या' बिग बजेट सिनेमात; जाणून घ्या अभिनेत्रीच्या आगामी प्रोजेक्टबद्दल...
Sara Ali Khan : 'गॅसलाइट' पाठोपाठ सारा अली खान शरण शर्माच्या सिनेमात झळकणार आहे.
Sara Ali Khan : बॉलिवूड अभिनेत्री सारा अली खान (Sara Ali Khan) तिच्या सिनेमांसह सोशल मीडिया पोस्टमुळे चर्चेत असते. लवकरच तिचा 'गॅसलाइट' (Gaslight) हा सिनेमा प्रेक्षकांच्या भेटीला येणार आहे. 31 मार्चला हा सिनेमा सिनेमागृहात प्रदर्शित होणार आहे. या सिनेमा पाठोपाठ सारा आणखी एका बिग बजेट सिनेमात झळकणार आहे. सारा लवकरच 'गुंजन सक्सेना'चा दिग्दर्शक शरण शर्माच्या (Sharan Sharma) आगामी सिनेमात दिसणार आहे.
शरण शर्माच्या आगामी सिनेमाचं कथानक थोडं वेगळं आहे. पण या सिनेमासाठी साराला विचारणा झाली असून तिने लगेचच होकार दिला आहे. लवकरच या सिनेमाच्या शूटिंगला सुरुवात होणार आहे. अद्याप या सिनेमाचं नाव समोर आलेलं नाही.
सारा अली खानचे आगामी सिनेमे (Sara Ali Khan Upcoming Movies)
'गॅसलाइट' व्यतिरिक्त सारा अली खान अनेक बॉलिवूड सिनेमांत दिसणार आहे. विकी कौशलच्या 'जरा हटके जरा बचके' या सिनेमातदेखील सारा झळकणार आहे. तसेच 'ऐ वतन मेरे वतन' आणि अनुराग बसूचा 'मेट्रो इन दिनो' हे साराचे आगामी सिनेमे आहेत.
सारा अली खानच्या 'गॅसलाइट'बद्दल जाणून घ्या... (Sara Ali Khan Gaslight Movie)
सारा अली खान आणि विक्रांत मेस्सीचा 'गॅसलाइट' हा सिनेमा डिज्नी प्लस हॉटस्टार या ओटीटी प्लॅटफॉर्मवर रिलीज होणार आहे. 31 मार्च 2023 रोजी हा सिनेमा प्रेक्षकांच्या भेटीला येईल. पवन कृपलानीने या सिनेमाच्या दिग्दर्शनाची धुरा सांभाळली आहे. सारा अली खान आणि विक्रांतसह चित्रांगदा सिंहदेखील या सिनेमात महत्त्वाच्या भूमिकेत झळकणार आहे. सायकोलॉजिकल थ्रिलर असणाऱ्या या सिनेमाची प्रेक्षक आतुरतेने वाट पाहत आहेत.
View this post on Instagram
सारा अली खानने 'गॅसलाइट'ची झलक सोशल मीडियाच्या माध्यमातून चाहत्यांसोबत शेअर केली आहे. व्हिडीओ शेअर करत तिने लिहिलं आहे,"कल्पना करा की तुम्ही लिफ्टमध्ये अडकले आहात आणि अचानक दिवे गेलेत. जनरेटरदेखील नाही. दरम्यान तुमच्यासोबत तुमच्या हक्काची कंपनीदेखील नाही". सारा अली खानच्या या पोस्टवर आता सिनेमाची प्रतीक्षा, थरार-नाट्यची मेजवानी, अशा कमेंट्स चाहत्यांनी केल्या आहेत.
संबंधित बातम्या
Shubman Gill Crush: सारा अली खान नाही तर 'या' अभिनेत्रीला पाहिल्यानंतर शुभमन गिल झाला क्लिन बोल्ड; क्रिकेटरनं सांगितलं क्रशचं नाव
महत्त्वाच्या बातम्या
