Sangli Crime : सांगली पोलिसांकडून तब्बल 18 कोटींची व्हेल माश्याची उलटी पुन्हा जप्त; मालवणमधून मुख्य सूत्रधाराच्या मुसक्या आवळल्या
Sangli Crime : व्हेल माशाच्या उलटीची तस्करी करणार्‍या मुख्य सूत्रधाराला सांगली पोलिसांनी (Sangli Police) अटक करून 18 कोटी 60 हजार मूल्याची व्हेल माशाची उलटी जप्त केली आहे.
Sangli Crime : व्हेल माशाच्या उलटीची तस्करी करणार्‍या मुख्य सूत्रधाराला सांगली पोलिसांनी (Sangli Police) अटक करून 18 कोटी 60 हजार मूल्याची व्हेल माशाची उलटी जप्त केली आहे. मुख्य सूत्रधार निलेश रेवंडकर याला सोमवारी न्यायालयात हजर केले असता 17 फेब्रुवारीपर्यंत पोलीस कोठडीत ठेवण्याचे आदेश दिले आहेत. सांगलीत कारवाई झाल्याचे समजताच रेवंडकरने मालवण पोलिसांना व्हेल माशाची उलटी सदृष्य पदार्थ समुद्रकिनारी पडला असल्याची बतावणी केली होती. सांगलीचे पथक त्याच्या मूळगावी गेल्यानंतर पोलिसांच्या चौकशीत त्याचा बनाव उघड झाला. पोलिसांनी आतापर्यंत 24 कोटी 39 लाख 25 हजार रूपयांची व्हेल माशाची उलटी जप्त केली आहे. मुख्य सूत्रधाराचे नाव समजताच पथकाने मालवणला जाऊन मुख्य सूत्रधार रेवंडकरला ताब्यात घेतले. अटकेची कारवाई करण्यासाठी पोलीस पर्यटक बनून गेले होते.
याबाबत स्थानिक गुन्हे अन्वेषण विभागाचे पोलिस निरीक्षक सतीश शिंदे यांनी सांगितले की, चार दिवसांपूर्वी सांगलीतील शामरावनगरमध्ये छापा टाकून अंबरग्रीस तस्करी प्रकरणी सलीम गुलाब पटेल आणि अकबर याकूब शेख यांना अटक करण्यात आली होती. या दोघांकडून तस्करीसाठी आणलेली 5 किलो 710 ग्रॅम वजनाची अंबरग्रिस जप्त करण्यात आली होती. याचे मूल्य पाच कोटी 75 लाख 50 हजार रूपये आहे.
सांगली पोलिसांच्या स्थानिक गुन्हे अन्वेषण शाखेकडून काही दिवसांपूर्वी सांगली शहरामध्ये व्हेल माशाची उलटी विक्री करण्यासाठी आलेल्या दोघांना अटक करण्यात आली होती. सापळा रचून त्यांच्याकडून 5 किलो 700 ग्रॅम वजनाची व्हेल माशाची उलटी जप्त करण्यात आली होती. त्याची किंमत बाजारामध्ये पावणे सहा कोटी रुपये असल्याचे समोर आलं होतं. अटक करण्यात आलेल्या दोघांकडून तपासामध्ये या तस्करी प्रकरणी मुख्य सूत्रधाराचं नाव समोर आल्यानंतर गली स्थानिक गुन्हे अन्वेषण शाखेने (LCB) सिंधुदुर्ग जिल्ह्यातील मालवणमधून निलेश रेवंडकर यास अटक करत त्याच्याकडून 18 किलो वजनाची व्हेलची उलटी हस्तगत केली.
सांगलीमध्ये आपल्या साथीदारांना अटक झाल्याची माहिती मिळाल्यानंतर निलेशने मालवणच्या समुद्र किनाऱ्यावर व्हेलची उलटी सापडल्याचा बनाव करत मालवण पोलिसांकडे जमा केले होते. सदर माहिती मिळाल्यानंतर सांगली स्थानिक गुन्हे अन्वेषण शाखेने गतीने तपास करत नीलेशला अटक केली आहे. त्याच्याकडून 18 किलो सहाशे ग्रॅम वजनाची व्हेल माशाची उलटी हस्तगत करण्यात आली. आंतरराष्ट्रीय बाजारात याचे मूल्य 18 कोटी 60 लाख रूपये आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
