Pune RTO News : बेशिस्त पुणेकर? वर्षभरात आरटीओ 20 हजार चालकांकडून वसूल केला तब्बल 15 कोटींचा दंड
पुण्यातील रस्ते (RTO) अपघातांच्या संख्येत वाढ होत असून, प्रादेशिक परिवहन कार्यालयाने (आरटीओ) बेपर्वा वाहनचालकांवर कडक कारवाई केली आहे.
Pune RTO News : पुण्यातील रस्ते (RTO) अपघातांच्या संख्येत वाढ होत असून, प्रादेशिक परिवहन कार्यालयाने (आरटीओ) बेपर्वा वाहनचालकांवर कडक कारवाई केली आहे. आरटीओच्या 'वायुवेग' पथकांनी एप्रिल 2022 ते मार्च 2023 या कालावधीत 20,000 हून अधिक वाहनचालकांवर कारवाई केली आहे, प्रामुख्याने विमा नसलेली वाहने आणि हेल्मेट नसलेल्या टू व्हीलरवर करडी नजर होती.
15.02 कोटी रुपयांचा दंड वसूल करुन 100.15% यशस्वी कामगिरी
आरटीओच्या म्हणण्यानुसार, त्याच्या वेगवान पथकांनी वरील कालावधीत 20 हजार 482 वाहनचालकांवर कारवाई केली. वायुवेगने 2022-23 या आर्थिक वर्षात 15 कोटी रुपयांचे दंड वसूल करण्याचे उद्दिष्ट ठेवले होते. यात 15.02 कोटी रुपयांचा दंड वसूल करुन 100.15% कामगिरी करुन यशस्वीपणे गाठले आहे. मागील वर्षाच्या तुलनेत ही लक्षणीय वाढ आहे, जिथे दंड वसुलीचे उद्दिष्ट 11 कोटी रुपये होते, आणि वास्तविक वसूल केलेला दंड 10.59 कोटी होता. जे दंड वसुलीच्या रकमेत 41.90 टक्के वाढ झाल्याचं दिसत आहे.
कोणत्या कारणांमुळे कारवाई?
आरटीओच्या बहुतांश कारवाया विमा (Insurance) नसलेल्या वाहनांवर केल्या जात होत्या. यावर्षी विमा नसलेल्या 5 हजार 903 वाहनांवर आणि मागील वर्षी विमा नसलेल्या 4 हजार 491 वाहनांवर कारवाई केली. याशिवाय हेल्मेटशिवाय दुचाकी चालवणाऱ्या 3 हजार 693 आणि वाहन चालवताना मोबाईल फोन वापरणाऱ्या 1199 जणांवर कारवाई करण्यात आली. सिग्नल तोडणे, सीटबेल्ट न वापरणे, माल ओव्हरलोड करणे आणि मालवाहू वाहनांमध्ये प्रवाशांची ने-आण करणे यासारख्या इतर उल्लंघनांवरही दंड आकारला जातो.
बेपर्वा वाहनचालकांना शिस्त लावणे आणि अपघातांचे प्रमाण कमी करणे या प्राथमिक उद्देशाने आरटीओच्या वायुवेग तपासणी पथकांनी ही कारवाई केली आहे. ही कारवाई भविष्यातही सुरु ठेवण्याचा निर्धार आरटीओने व्यक्त केला आहे. उपप्रादेशिक परिवहन अधिकारी संजीव भोर यांनी रस्ता सुरक्षा सुनिश्चित करण्यासाठी वाहतुकीचे नियम आणि नियमांचे पालन करण्याचे महत्त्व पटवून दिले.
विमा नसलेल्या गाड्यांवर सर्वाधिक कारवाई
सध्या पुण्यात प्रत्येक चौकात ट्रॅफिक पोलीस उभे असतात. त्यात अनेक दुचारीस्वारांना अडवून त्यांच्याकडे कागदपत्राची विचारपूस करतात. त्यानंतर हेल्मेट सक्ती असताना हेल्मेट न वापरणाऱ्यांची संख्या मोठ्या प्रमाणात आहे. त्यामुळे त्यांच्यावरही कारवाई करण्यात आली आहे. यात सर्वात जास्त कारवाया विमा नसलेल्या गाड्यांवर करण्यात आल्या आहेत. त्यामुळे स्वत:च्या संरक्षणासाठी वाहतुकीचे नियम पाळणं गरजेचं आहे आणि नियम न पाळल्यास मोठा दंड होऊ शकतो. वाहतूकीचे नियम पाळा असं आवाहनही त्यांनी पुणेकरांना केलं आहे.
महत्त्वाच्या बातम्या
ट्रेंडिंग न्यूज
