![metaverse](https://cdn.abplive.com/imagebank/metaverse-top.png)
Pune PMPML : राग अनावर झाल्यानं PMPML बस चालकानं बस रिव्हर्स घेतली अन् वाहनांना उडवलं
पुण्यात PMPML बस चालकानं वाहनांना उडवलं आहे. पुण्यातील सेनापती बापट रोडवरची ही दुर्घटना आहे..या PMPM" बस चालकाच्या विरोधात पुण्यातील चतु:श्रुंगी पोलिसांमध्ये 308 सदोष मनुषवादाचा गुन्हा दाखल करण्यात आला आहे.
![Pune PMPML : राग अनावर झाल्यानं PMPML बस चालकानं बस रिव्हर्स घेतली अन् वाहनांना उडवलं Pune PMPML News PMPML bus Accident In chaturshrungi road pune bus driver reverse bus due to anger Pune PMPML : राग अनावर झाल्यानं PMPML बस चालकानं बस रिव्हर्स घेतली अन् वाहनांना उडवलं](https://feeds.abplive.com/onecms/images/uploaded-images/2023/10/22/d3aa7f25a34d409d6877d6f41837eeef1697957418627442_original.jpeg?impolicy=abp_cdn&imwidth=1200&height=675)
पुणे : पुण्यात PMPML बस चालकानं वाहनांना उडवलं आहे. पुण्यातील सेनापती बापट रोडवरची ही दुर्घटना आहे..या PMPML बस चालकाच्या विरोधात पुण्यातील चतु:श्रुंगी पोलिसांमध्ये 308 सदोष मनुषवादाचा गुन्हा दाखल करण्यात आला आहे. या प्रकरणी चालकाला अटक करण्यात आली आहे. PMPML चालकाचा एका चालकाशी वाद झाला होता. त्याचा राग अनावर झाल्याने वाहकाने थेट वाहनांना उडवलं आहे. निलेश ज्ञानेश्वर सावंत असं चालकाचं नाव आहे.
नेमकं काय घडलं?
PMPML चालकाचा काही गाडी चालकासोबत वाद झाला होता. त्यावेळी त्याने बस आधी समोर घेतली मात्र त्यानंतर त्याचा राग अनावर झाल्याने त्याने थेट बस रिव्हर्स घेतली. हे पाहून पुण्यातील सेनापती बापट रोडवरील लोकांनी आरडा ओरड सुरु केली. मात्र या सगळ्याला न जुमानता बस चालकाने थेट बस मागे घेत अनेक गाड्यांना उडवलं. पोलिसांनी दिलेल्या माहितीनुसार, निलेश सावंत हा पीएमपीएमएल बस चालक आहे. तो शनिवारी पीएमपीएमएलची बस क्रमांक एमएच 14, एचयु 5725 हे घेऊन पुणे विद्यापीठाच्या दिशेने जात होता.
चालकाचा रान अनावर झाला अन्...
प्रवाशांनी भरलेली बस होती. त्यावेळी प्रवाशांनीदेखील या चालकाला थांबवण्याचा प्रयत्न केला मात्र संतापलेल्या चालकाने कशालाही न जुमानता बस मागे घेतली. चालक दारुच्या नशेत असल्याचं प्रवाशांनी आणि बघ्यांनी सांगितलं आहे. हा सगळा थरार सेनापती बापट रोडवर असलेल्या इतर नागरिकांनी अनुभवला. यावेळी अनेक नागरिकांना आणि वाहनांना थांबवण्याचा प्रयत्न केला. बसच्या मागे किंवा पुढे जाऊ नका, अशी विनंती केली. त्यामुळे मोठा अनर्थ टळला मात्र बस मागे घेताना ज्या गाड्यांना उडवलं त्या गाड्याचं मोठं नुकसान झालं आहे. सोबतच या गाड्यातील काही नागरिक जखमी झाल्याचीही माहिती आहे. हा सगळ्या प्रकार कळताच पोलिसांनी या चालकावर कारवाई करत त्याला अटक केली आहे.
PMPML बस चालकांची अरेरावी संपेनाच!
पुण्यात सध्या PMPML बस चालकांची अरेरावी संपायचं नाव घेत नाही आहे. अनेक चालकांच्या हलगर्जीपणामुळे PMPML बसचे अपघात झाल्याचं पाहिलं आहे. त्यातच हा अपघातदेखील समोर आला आहे. काही दिवसांपूर्वी PMPML चालकाने दारुच्या नशेत गाडी दोन तरुणांच्या अंगावर नेण्याचा प्रयत्न केला होता. तेव्हा प्रवाशांच्या सतर्कतेमुळे अपघात टळला होता.
इतर महत्वाची बातमी-
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)