Video : कुत्र्यांच्या भुंकण्याचा आवाज अन् काळोख, रस्त्याने जाणाऱ्या स्कॉर्पिओ गाडीतून तीन जणांनी महिलेचे केलं अपहरण; पिंपरीतील घटना सीसीटीव्हीमध्ये कैद झाली, पाहा व्हिडिओ
Pune News: तिघांनी महिलेला बळजबरीने उचलून स्कार्पिओमधून अपहरण केलं, ही सर्व घटना सीसीटीव्हीत कैद झाली आहे.
पुणे: पिंपरी- चिंचवडच्या काळभोर नगर परिसरातून महिलेचे तीन जणांनी स्कार्पिओमधून अपहरण केलं आहे. ही घटना सीसीटीव्हीत कैद झाली आहे. मध्यरात्री एकच्या सुमारास जुन्या पुणे- मुंबई महामार्गावरील काळभोर नगर येथून चालत जात असलेल्या महिलेला तिघांनी जबरदस्तीने उचलून स्कार्पियोमधून अपहरण केलं आहे. महिला प्रतिकार करताना दिसते, तिने आरडाओरडा देखील केल्याचं सीसीटीव्ही स्पष्ट दिसत आहे. तिघांनी महिलेला बळजबरीने उचलून स्कार्पिओमधून अपहरण केलं, ही सर्व घटना सीसीटीव्हीत कैद झाली आहे. कौटुंबिक वादातून अपहरण झाल्याचा पोलिसांना संशय आहे. याबाबत पिंपरी पोलिसात नोंद करण्यात आली आहे.
दुसरा सीसीटीव्ही व्हिडिओ समोर
त्याचबरोबर संबंधित महिलेच्या अपहरणातील दुसरा सीसीटीव्ही व्हिडिओ ही समोर आला आहे. ही दृश्य अपहरण होण्यापूर्वीची असल्याचा दावा पिंपरी चिंचवड पोलिसांना केला आहे. ज्या स्कॉर्पिओ गाडीतून तिचं अपहरण झालं, त्याच स्कॉर्पिओमधून ती रस्त्याच्या मधोमध उतरल्याचं दिसून येत आहे. मग त्यानंतर हा पुढील प्रकार घडल्याचा दावा पोलिसांचा आहे. कौटुंबिक वादातून हा प्रकार घडल्याची माहिती पोलिसांनी दिली आहे. त्यामुळं या घटनेनंतर कोणीही अपहरणाची तक्रार दिली नसल्याचं पोलिसांचं म्हणणं आहे. प्रत्यक्षदर्शीने 112 नंबर वर फोन केल्यानंतर पोलीस घटनास्थळी दाखल झाले, मात्र स्कॉर्पिओ गाडी आणि ती महिला ही अद्याप सापडलेली नाही. पोलिसांनी सुमोटो तक्रार दाखल करत, स्कॉर्पिओ गाडी आणि महिलेचा शोध सुरू केला आहे.
मिळालेल्या माहितीनुसार, जुना पुणे- मुंबई महामार्गालगत काळभोर नगर येथील एअरटेल गॅलरी च्या समोर मध्यरात्री एकच्या सुमारास महिलेच अपहरण करण्यात आलं. महिलेचा पाठलाग करून अपहरण करण्यात आल्याचे सीसीटीव्ही मध्ये स्पष्ट दिसत आहे. महिला अज्ञात तिघांचा प्रतिकार करत होती. आरडाओरडा करत होती. परंतु, तिघांनी संबंधित महिलेला बळजबरीने उचलून गाडीतुन अपहरण केल आहे. या प्रकरणाची माहिती पिंपरी पोलिसांना मिळताच पोलिसांनी घटनास्थळी जाऊन पाहणी केली.
पिंपरी- चिंचवडमध्ये महिलेचं अपहरण झालं आहे. या घटनेचा सीसीटीव्ही व्हिडीओ सध्या सोशल मीडियावर व्हायरल होत आहे. मध्यरात्री एकच्या सुमारास काळभोर नगर पुणे- मुंबई जुना महामार्ग परिसरातून हे अपहरण करण्यात आलं. #Punenews #police pic.twitter.com/Equ9Xxcavq
— Ankita Shantinath Khane (@KhaneAnkita) April 5, 2025
महत्त्वाच्या बातम्या
