Pune News : पीएमआरडीए मेट्रोसाठी इंजिनिअरची भरती करण्यासाठी चक्क पाटण्यामध्ये जाहिरात
Pune News : पुण्यात होत असलेल्या पीएमआरडीए मेट्रोसाठी इंजिनिअरची भरती करण्यासाठी चक्क पाटण्यामध्ये जाहिरात काढण्यात आल्याने खळबळ उडाली आहे.
Pune News : पुण्यात (Pune) होत असलेल्या पीएमआरडीए मेट्रोसाठी (PMRDA Metro) इंजिनिअरची भरती (Engineer Recruitment) करण्यासाठी चक्क पाटण्यामध्ये (Patna) जाहिरात काढण्यात आल्याने खळबळ उडाली आहे. पीएमआरडीए मेट्रोचे काम करणाऱ्या टाटा कंपनीकडून (Tata Company) ही जाहिरात काढण्यात आली आहे. टाटा कंपनीच्या मते ही जाहिरात त्यांनी ज्या कंत्राटदाराला कंत्राट दिले आहे त्याने ही जाहिरात काढली आहे. त्याचबरोबर इंजिनीअरच्या या भरतीसाठी आधी पुण्यातही जाहिरात काढण्यात आली होती. मात्र त्याला प्रतिसाद मिळाला नाही असा दावा टाटा कंपनीने केला आहे. मात्र पुण्यात जर ही जाहिरात काढण्यात आली होती तर ती कुठे आणि कधी प्रकाशित झाली होती हे मात्र टाटा कंपनीने अद्याप स्पष्ट केलेलं नाही.
* पुण्यात पुणे मेट्रो आणि पीएमआरडीए मेट्रो अशा दोन वेगळ्या कंपन्यांकडून वेगवेगळ्या मार्गावर मेट्रोची कामे सुरु आहेत.
* पुणे मेट्रोकडून पिंपरी-चिंचवड महापालिका ते स्वारगेट हा 16.59 किलोमीटरचा आणि वनाझ ते रामवाडी हा 14.66 किलोमीटर हे दोन मार्ग तयार करण्यात येत आहेत.
* तर पीएमआरडीए मेट्रोकडून राजीव गांधी हिंजवडी आयटी पार्क ते शिवाजीनगर जिल्हा न्यायालयापर्यंत 23.33 किलोमीटरचा मार्ग तयार करण्यात येत आहे.
* यापैकी पीएमआरडीएच्या राजीव गांधी आयटी पार्क ते शिवाजीनगर जिल्हा न्यायालय या 23:33 किलोमीटरच्या कामाचा काही भाग टाटा कंपनीकडून करण्यात येत आहे.
* या कामासाठी टाटा कंपनीकडून इंजिनिअरची भरती करण्यासाठी जाहिरात काढण्यात आली आहे. मात्र ती बिहारमधील पाटण्यात काढण्यात आली आहे.
* पुण्यात देखील अशी जाहिरात काढण्यात आली होती, मात्र त्या जाहिरातीला प्रतिसाद मिळाला नाही असा दावा टाटा कंपनीकडून करण्यात आला आहे.
महत्त्वाच्या बातम्या
