LIVE: उपमुख्यमंत्री अजित पवारांनी पुण्यातील पुरस्थितीचा घेतला आढावा, प्रशासनाला दिल्या महत्त्वाच्या सूचना
Heavy Rain in Western Maharashtra: पुण्यासह पश्चिम महाराष्ट्रात सध्या मुसळधार पाऊस सुरु आहे. पावसाचे लाईव्ह अपडेटस् पाहण्यासाठी क्लिक करा.
Background
पुणे: पुणे आणि पश्चिम महाराष्ट्रात सध्या मुसळधार पाऊस सुरु असल्याने नद्यांना पूर आला आहे. खडकवासला धरणातून पाणी सोडल्यामुळे मुठा नदीला पूर आला आहे. त्यामुळे पुण्यातील अनेक भागांमध्ये पाणी शिरले आहे. तर कोल्हापूरमध्ये पंचगंगा नदीची पाणीपातळी वाढली आहे. कोयना आणि राधानगरी धरणाचे दरवाजे उघडण्यात येणार आहेत.
मुसळधार पावसामुळे मुंबई-पुणे दरम्यानच्या एक्सप्रेस गाड्या रद्द
मुंबई आणि पुण्याच्या दरम्यान धावणाऱ्या काही एक्सप्रेस रद्द करण्याचा निर्णय मध्य रेल्वेने घेतला आहे. बदलापूर आणि वांगणी दरम्यान उल्हास नदीच्या पाण्याच्या पातळीचा अंदाज घेऊन या एक्सप्रेस रद्द करण्याचा निर्णय घेण्यात आला असल्याचे मध्य रेल्वे सांगितले आहे. मुंबई पुणे डेक्कन क्वीन एक्सप्रेस मुंबई पुणे प्रगती एक्सप्रेस आणि पुणे मुंबई इंटरसिटी एक्सप्रेस आज रद्द करण्यात आलेले आहेत, तर उद्या सकाळी पुणे मुंबई डेक्कन एक्सप्रेस पुणे मुंबई प्रगती एक्सप्रेस आणि मुंबई पुणे इंटरसिटी एक्सप्रेस रद्द असतील.
Ajit Pawar On Pune Rain : पुण्यातील वारजे भागात ज्या जनावरांचा मृत्यू झाला त्याचे पंचनामे केले जाणार, अजित पवारांनी दिली माहिती
पुण्यातील वारजे भागात म्हशी ज्या जनावरांचा मृत्यू झाला त्याचे सुद्धा पंचनामे केले जाणार आहेत, अशी माहिती अजित पवारांनी दिली आहे. वारजे येथील स्मशानभूमी परिसरातील नदी पात्रालगत जनावरे बांधली होती. रात्री अचानक पाऊस सुरू झाला. नदीपात्रातील पाणी वाढल्याने पाणी गोठ्यात शिरलं. हा संपूर्ण गोठा पाण्याखाली गेला. या गोठ्यात बांधलेली 14 जनावरे पाण्यात बुडाल्याने दगावली आहेत. यामध्ये 11 गाईंचा समावेश आहे. तर चार ते पाच जनावरे पाण्यात तोंड वर करून उभी राहिल्याने बचावली आहेत.
महत्त्वाच्या बातम्या
