Pune Sangita Daware : मंत्रालयासमोर विषप्राशन करणाऱ्या पोलीस पत्नी संगीत डावरे यांचा उपचारादरम्यान मृत्यू

Pune Sangita Daware : मंत्रालयासमोर विषप्राशन करून (Suicide) आत्महत्येचा प्रयत्न करणाऱ्या पोलीसपत्नी संगीता डवरे यांची मृत्यूची झूंज अपयशी ठरली आहे. त्यांच्यावर ससून रुग्णालयात उपचार सुरु होते

Sangeeta Davre

Pune Sangita Daware : मंत्रालयासमोर विषप्राशन करुन (Suicide) आत्महत्येचा प्रयत्न करणाऱ्या पोलीसपत्नी संगीता डवरे यांची मृत्यूची झूंज अपयशी ठरली आहे. त्यांच्यावर ससून रुग्णालयात उपचार सुरु होते. उपचारादरम्यान त्यांचा मृत्यू झाला आहे. संगीता यांचे पती नवी मुंबई पोलीस दलात कार्यरत असताना त्यांचा अपघात झाला होता. त्यानंतर डॉक्टरांनी त्यांच्यावर योग्य उपचार केले नाहीत, असा आरोप त्यांनी केला होता. त्यानंतर डॉक्टरांवर कारवाई करा, अशी तक्रार संगीता यांनी केली होती. मात्र या संदर्भात कोणतीही कारवाई झाली नाही त्यामुळे त्यांनी थेट मंत्रायलासमोर आत्महत्येचा प्रयत्न केला होता. 

संगीता यांचे पती नवी मुंबई पोलीस दलात कार्यरत होते. त्यावेळी पामबीच मार्गावर लावलेल्या नाकाबंदीच्या वेळी भरधाव इनोव्हा कारने थेट बॅरिगेट्स तोडले होते. याच भरधाव गाडीखाली संगीता यांचे पती चिरडले गेले होते. या भीषण अपघातात संगीता यांचे पती गंभीर जखमी झाले. त्यांच्या हातापायाला गंभीर दुखापत झाल होती. कार चालक हा मद्यप्राशन करुन होता. त्यामुळे कारचालकावर कठोर कारवाई व्हायला हवी होती. मात्र त्याप्रमाणे कारचालकावर कोणतीही कठोर कारवाई करण्यात आली नाही.

नेरुळ पोलिसांनी त्यांच्यावर कारवाई करण्यात गंभीरता दाखवली नाही आणि कारचालकाला सोडून दिलं. संगीता यांनी या प्रकरणात कठोर कारवाई करा यासाठी संगीता यांनी मोठ्या अधिकाऱ्यांकडे चकरा मारल्या. त्यांनी या प्रकरणावर फार लक्ष दिलं नाही त्यानंतर संगीता यांनी राज्य सरकारकडे न्याय मागण्याचा प्रयत्न केला. पती काम करत असलेल्या पोलीस विभागाकडूनच न्याय मिळत नाही हे पाहून त्यांनी आत्मदहन करणार असल्याचा इशारा दिला होता. या इशाऱ्यालाही सरकारने गंभीर घेतलं नाही. त्यामुळे अखेर त्यांनी मंत्र्यालयासमोर जाऊन विषप्राशन केलं. 

वर्षभरानंतरही संगीता यांचे पती आजारी

त्यांचा झालेल्या अपघातातून पती हनुमंत डवरे अजूनही सावरले नाही आहेत. या अपघातात त्यांच्या हातापायांना गंभीर इजा झाली होती. त्यावर योग्य उपचार न झाल्याने अपघात होऊन वर्ष उलटल्यानंतरही त्यांना चालता येत नाही. शिवाय आतापर्यंतच्या त्यांच्या उपचाराचे पैसेदेखील त्यांनीच दिले आहेत. बिलाची फाईल अजूनही पोलीस दलाने मंजूर केली नसल्याचा आरोप संगीता यांनी केला आहे. त्यामुळे संगीता आक्रमक झाल्याचं बघायला मिळालं होतं. त्यांनी इशारा देऊनही गांभीर्य लक्षात न घेतल्याने आज त्यांचा जीव गेला आहे. पोलिसांच्या पत्नीलाच न्याय मिळाला नसल्याने अनेक स्तरावरुन संताप व्यक्त केला जात आहे.