Naib Tehsildar Ananta Gawari Accident Pune: ओतूर जुन्नर मार्गावर अपघात; जुन्नरचे निवडणूक नायब तहसीलदार अनंता बनाजी गवारी यांचा मृत्यू

Naib Tehsildar Ananta Gawari Accident Pune: अपघातात जुन्नरचे निवडणूक नायब तहसीलदार अनंता बनाजी गवारी यांचा दुर्दैवी मृत्यू झाला आहे.

Naib Tehsildar Ananta Gawari Accident Pune

Source : ABP

Naib Tehsildar Ananta Gawari Accident Pune जुन्नर/पुणे: ओतूर-जुन्नर मार्गावरील पांगरी माथा ते बनकर फाटा दरम्यान हायवा डंपर आणि होंडा सिटी कार यांच्यात समोरासमोर भीषण अपघात झाला असून, या अपघातात जुन्नरचे निवडणूक नायब तहसीलदार अनंता बनाजी गवारी यांचा दुर्दैवी मृत्यू झाला आहे.

जुन्नरकडून ओतूरच्या दिशेने जाणारा हायवा डंपर आणि ओतूरकडून जुन्नरच्या दिशेने येणारी होंडा सिटी कार यांची वळणावर जोरदार धडक झाली. धडक इतकी भीषण होती की कारच्या पुढील भागाचा अक्षरशः चक्काचूर झाला. या अपघातात अनंता गवारी गंभीर जखमी झाले होते. त्यांच्यासह विजय खारतोडे यांनाही गंभीर दुखापत झाली, तर तुषार भीमराव कोरडे किरकोळ जखमी झाले आहेत.

उपचारासाठी नेत असतानाच अनंता गवारी यांची प्राणज्योत मालवली- (Naib Tehsildar Ananta Gawari Accident)

स्थानिक नागरिकांनी तातडीने मदतकार्य सुरू करत जखमींना बाहेर काढले आणि ओतूर येथील निरामय हॉस्पिटलमध्ये दाखल केले. प्रकृती चिंताजनक असल्याने अनंता गवारी आणि विजय खारतोडे यांना पुण्याकडे हलवण्यात आले. मात्र, उपचारासाठी नेत असतानाच अनंता गवारी यांची प्राणज्योत मालवली. दरम्यान, संबंधित डंपर हा मांदारणे येथील ‘विघ्नहर्ता खडी केशर अँड पेवर्स’ कंपनीचा असल्याची माहिती समोर आली आहे.

अपघातांमुळे स्थानिक नागरिकांमध्ये तीव्र संताप- (Naib Tehsildar Ananta Gawari Accident)

अपघातामुळे काही काळ वाहतूक विस्कळीत झाली होती. ओतूर पोलिसांनी घटनास्थळी धाव घेत क्रेनच्या सहाय्याने वाहने बाजूला करून रस्ता वाहतुकीसाठी खुला केला. पांगरी माथा परिसरात वारंवार होणाऱ्या अपघातांमुळे स्थानिक नागरिकांमध्ये तीव्र संताप व्यक्त होत असून, वेगाने धावणाऱ्या जड वाहनांवर प्रशासनाने नियंत्रण ठेवावे, अशी जोरदार मागणी होत आहे. या प्रकरणाचा पुढील तपास ओतूर पोलीस करत आहेत.

राज्यासह देश-विदेशातील महत्वाच्या घडामोडी, VIDEO:

संबंधित बातमी: