Jejuri : जेजुरीत विजयाचा भंडारा उधळल्यानंतर आगीचा भडका, 16 जण भाजले, नव्या नगरसेवकांचाही समावेश

Jejuri Fire : जेजुरी गडाच्या पायथ्याशी भंडाऱ्याची उधळण सुरू होती, त्याचवेळी फटाकेही फोडण्यात येत होते. त्यामुळे आगीचा भडका उडाला आणि 16 जण भाजले गेले.

Jejuri Fire

Source : abp majha

पुणे : जेजुरी नगरपरिषद निकालाच्या उत्साहाला गालबोट लागल्याची घटना घडली. विजयाचा भंडारा उधळल्यानंतर आगीचा मोठा भडका (Jejuri Fire) उडाल्याचं दिसून आलं. या घटनेत 16 जण भाजले असून काही नगरसेवकांचाही त्यामध्ये समावेश आहे. जेजुरी गडाच्या पायथ्याशी फटाके फुटत असताना भंडारा उधळल्यानंतर आगीचा भडका उडाला. भेसळयुक्त भंडाऱ्यामुळे आगीचा भडका उडाल्याचा प्राथमिक अंदाज व्यक्त केला जात आहे.

राज्यातील नगरपालिका, नगरपरिषदांचा निकाल आज जाहीर झाला. जेजुरी नगरपरिषदेवर सत्तांतर होऊन अजितदादांच्या राष्ट्रवादीने बाजी मारली. त्यानंतर विजयी उमेदवार आणि त्यांच्या कार्यकर्त्यांनी एकच जल्लोष सुरू केला.

Jejuri Nagar Parishad Election Result : भंडाऱ्याची उधळण आणि आगीचा भडका

जेजुरीत मतमोजणी पार पडून निकाल जाहीर झाल्यानंतर गडाच्या पहिल्या पायरीजवळ खंडेरायाचरणी भंडारा अर्पण करून आशीर्वाद घेताना फटाके वाजत होते. सोबतच भंडाऱ्याची उधळणही होत होती होते. त्यामुळे भंडारा उधळल्यानंतर आगीचा भडका उडाला आणि त्यामध्ये 169 जण भाजले गेले. जमखींमध्ये नुकतेच निवडून आलेल्या काही नगरसेवकांचा समावेश आहे.

ही घटना रविवारी दुपारी घडली असून त्यामध्ये भाजले गेलेल्यांना जवळच्या खासगी आणि सरकारी रुग्णालयात दाखल करण्यात आलं आहे. या घटनेमुळे पुन्हा एकदा भेसळयुक्त भंडाऱ्याचा प्रश्न जेजुरीमध्ये ऐरणीवर आला आहे.

Jejuri Result : जेजुरीत राष्ट्रवादीची बाजी

माजी आमदार संजय जगताप यांची जेजुरीमधील सत्ता खालसा करण्यात अजित पवारांना यश आलं आहे. अजितदादांच्या राष्ट्रवादीचे नगराध्यक्षपदाचे उमेदवार जयदीप बारभाई मोठ्या फराकानं विजयी विजयी झाले आहेत. राष्ट्रवादीची 17 नगरसेवक निवडून आले आहेत. भाजपनं नगरसेवकाच्या सगळ्या जागा लढवल्या, फक्त दोन ठिकाणी यश मिळालं. तर एका जागेवर अपक्ष निवडून आला. त्यामुळे जयदीप बारभाई यांना पक्षात घेऊन अजित पवारांनी केलेली खेळी यशस्वी ठरली. राष्ट्रवादीच्या या दणदणीत विजयानंतर जेजुरीमध्ये भंडाऱ्याची उधळण करत मोठा जल्लोष करण्यात आला.

Pune Election Result : पुण्यात अजितदादांची हवा

पुणे जिल्ह्यात आपलंच वर्चस्व असल्याचं उपमुख्यमंत्री अजित पवारांनी पुन्हा एकदा सिद्ध केलं. पुणे जिल्ह्यातील 17 नगरपरिषदा आणि नगरपालिकांपैकी 10 ठिकाणी अजित पवारांच्या राष्ट्रवादीचे नगराध्यक्ष विजयी झाले आहेत. अजित पवारांच्या राष्ट्रवादीच्या विजयामुळे शरद पवारांच्या राष्ट्रवादीसह मविआलाही धक्का बसला आहे.

बारामतीसह, लोणावळा, दौंड, शिरूर, इंदापूर, जेजुरी, भोर, वडगाव, माळेगाव आणि उरुळी फुरसुंगीमध्ये अजित पवारांच्या राष्ट्रवादीचे नगराध्यक्ष विजयी झाले आहेत. या निकालानंतर जिल्हा कुणाच्या मागे आहे ते बघा, अशी प्रतिक्रिया अजित पवारांनी दिली.