Pune Crime News: घटस्फोटीत पतीने चक्क चोरली कार; महिलेची पोलिसांत धाव
घटस्फोटित पुरुषाने आपल्या पत्नीची कार चोरल्याचा धक्कादायक प्रकार समोर आला आहे. या संदर्भात महिलेने आळंदी पोलीस ठाण्यात आपल्या घटस्फोटीत पती आणि मेहुण्याविरोधात तक्रार दाखल केली आहे.
Pune Crime News: घटस्फोटित पुरुषाने आपल्या पत्नीची कार चोरल्याचा धक्कादायक प्रकार समोर आला आहे. या संदर्भात महिलेने आळंदी पोलीस ठाण्यात आपल्या घटस्फोटीत पती आणि मेहुण्याविरोधात तक्रार दाखल केली आहे. वर्षा रापात्रीवार असं तक्रार देणाऱ्या महिलेचं नाव आहे. दोघांविरोधात गुन्हा दाखल करण्यात आला आहे.
नक्की काय घडलं?
वर्षा रापात्रीवार यांच्या काही वर्षांपुर्वी घटस्फोट झाला. त्या मुळच्या अकोला जिल्ह्यातील असून पुण्यात राहत होत्या. कार चोरल्याच्या आरोपावरुन त्यांनी अमरेंद्र रापात्रीवार आणि मेहुणा वीरेंद्र प्रभाकर आडमुलवार यांच्या विरोधात तक्रार दाखल केली आहे. चिंचवड यांच्याविरुद्ध गुन्हा दाखल केला आहे.
वर्षा रापात्रीवार एका कौटुंबिक कार्यक्रमासाठी बाहेर गेल्या होत्या त्यांच्याकडे मारुती स्विफ्ट डिझायर होती. कौटुंबिक कार्यक्रमासाठी बाहेर गेल्या असल्याने त्यांनी त्यांची कार चुलत भाऊ विश्वजीत संकपाळ यांच्या घरी ठेवली होती. त्याच रात्री पतीने आणि मेहुण्याने कार चोरली असल्याचा दावा केला आहे. या संदर्भात आळंदी पोलीस अधिक तपास करत आहेत.
21 वर्षीय मुलीची फसवणूक
एका 21 वर्षीय मुलीने कॉलेजची फी भरण्यासाठी ऑनलाइन कर्ज मिळवण्याचा प्रयत्न केला. या अर्जामुळे तिचे अश्लील व्हिडिओ आणि नग्न फोटो तयार केले आणि फोटोंमध्ये मुलीचा चेहरा वापरला. फोटो व्हायरल करण्याची धमकी दिली. हा धक्कादायक प्रकार पुण्यातील लोहगाव परिसरात घडला आहे. याप्रकरणी लोहेगाव येथील 21 वर्षीय तरुणीने विमानतळ पोलीस ठाण्यात फिर्याद दिली आहे.तरुणीने अॅपवर अपलोड केलेल्या कागदपत्रांचा वापर करून कोणीतरी अश्लील व्हिडिओ आणि नग्न फोटो तयार केले आणि फोटोंमध्ये मुलीचा चेहरा वापरला. हे फोटो आणि व्हिडिओ तरुणीला पाठवले. हे फोटो आणि व्हिडिओ सोशल मीडियावर व्हायरल करून बदनामी करण्याच्या धमक्या देऊ लागले. तरुणीच्या संपर्कात असलेल्या एका मैत्रीणीला शेअर करुन तिची बदनामी केल्याला आरोप तरुणीने तक्रारीत केली आहे. त्यानंतर तिने पुणे शहर पोलिसांत तक्रार दाखल केली. याप्रकरणी पोलीस अधिक तपास करत आहेत.
महत्त्वाच्या बातम्या
