![ABP Premium](https://cdn.abplive.com/imagebank/Premium-ad-Icon.png)
Coronavirus | पुण्यातील कचरावेचक महिलेचं औदार्य, कोरोनाविरुद्धच्या लढाईसाठी 15 हजारांची मदत
पुण्यातील कचरा वेचणाऱ्या एका ज्येष्ठ महिलेने कोरोनाविरुद्ध लढण्यासाठी मुख्यमंत्री सहाय्यता निधी आणि दोन सेवाभावी संस्थांना एकूण 15 हजार रुपयांची मदत केली आहे.
![Coronavirus | पुण्यातील कचरावेचक महिलेचं औदार्य, कोरोनाविरुद्धच्या लढाईसाठी 15 हजारांची मदत Coronavirus - Pune women donates Rs.15000 to CM fund to fight against coronavirus Coronavirus | पुण्यातील कचरावेचक महिलेचं औदार्य, कोरोनाविरुद्धच्या लढाईसाठी 15 हजारांची मदत](https://static.abplive.com/wp-content/uploads/sites/4/2020/04/14202953/Pune-Women-Help.jpg?impolicy=abp_cdn&imwidth=1200&height=675)
पुणे : कोरोना व्हायरसमुळे आलेल्या साथीवर मात करण्यासाठी समाजातील विविध स्तरातून मदतीचे अनेक हात पुढे आले. अनेकांनी मुख्यमंत्री सहाय्यता निधी, पीएम केअर्स फंडमध्ये मदत दिली. परंतु पुण्यातील एका कचरा वेचणाऱ्या महिलेचं औदार्य सगळ्यांसमोर सरस ठरेल असंच आहे. कोरोनाविरुद्धच्या लढाईत या महिलेने त्यांनी 15 हजार रुपयांची मदत केली आहे.
गवळणबाई मुरलीधर उजगरे या गेल्या 20 वर्षांपासून कचरा गोळा करतात. यावरच त्यांचा चरितार्थ चालतो. माहिन्याला अवघे पाच ते सहा हजार रुपये मिळतात. पण तरीही गवळणबाईंच्या मनाच्या श्रीमंतीची तुलना कशासोबतच होऊ शकणार नाही. आतापर्यंत साठवलेले सगळे पैसे त्यांनी कोरोनाशी लढण्यासाठी देऊन टाकले. कोरोनाविरोधात लढण्यासाठी मुख्यमंत्री फंड आणि दोन सेवाभावी संस्थांना एकूण 15 हजार रुपयांची मदत त्यांनी केली आहे.
"माझं वय साठ वर्षांच्या वर आहे. पण असं संकट कधी पाहिलं नव्हतं," असं त्या म्हणाल्या. यावेळी देशासाठी सगळ्यांनी मदत केली पाहिजे, अशी भावनाही त्यांनी व्यक्त केली. "आपण जगलो तर पुढे अजून कमावता येईल, पण आता लोकांना मदत होणं गरजेचं आहे," असंही त्यांनी सांगितलं. कोरोनाच्या या संकटातही त्या कचरा वेचण्याचं काम करतच आहेत. "धोका आहे म्हणून जर सगळेच घरात बसले तर कम कसं होणार? असा प्रश्नही त्यांनी विचारला.
गवळणबाई उदगरे पुण्यातील धानोरी भागातील भीमनगरमधल्या झोपडपट्टीत राहतात. अशा परिस्थीतीमध्येही त्यांचं धैर्य आणि इच्छाशक्ती कमी झालेली नाही. कोरोनोवर मात करण्यासाठी सध्या अशाच शूरवीरांची गरज आहे.
Rural News | पिगीबॅंक फोडत चिमुरड्यांची मुख्यमंत्री सहाय्यता निधीला मदत! माझं गाव माझा जिल्हामहत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)