Baramati Crime News: स्वतःच्या वाढदिवसाच्या दिवशी आरोपीचा गेम; अल्पवयीन असताना केला होता खून आता दोन वर्षांनी झाली हत्या
Baramati Crime News: दोन वर्षांपूर्वी गणेश वाघमोडे याने शशिकांत कारंडे यांचा खून केला होता. त्यानंतर बरोबर दोन वर्षांनीच गणेशचा खून करण्यात आला आहे.
Baramati Crime News: राज्यभरात मागील काही दिवसांमध्ये गुन्हेगारी मोठ्या प्रमाणावर वाढल्याचं चित्र दिसून येत आहे. अशातच एका अल्पवयीन आरोपीचा खून (Crime News) झाल्याची धक्कादायक माहिती समोर आली आहे. स्वतःच्या वाढदिवसाचे सामान घेऊन जाताना बारामती तालुक्यातील जळोचीमध्ये जुन्या भांडणाच्या वादातून टोळक्याने काल(बुधवारी) रात्री गणेश धुळाबापु वाघमोडे (वय १७) या अल्पवयीन गुन्हेगार मुलाचा खून (Crime News) केल्याचा धक्कादायक प्रकार उघडकीस आला आहे.
खून झालेल्या गणेश वाघमोडे याने शाळेसमोरच शशिकांत कारंडे यांचा खून (Crime News) केला होता. त्यानंतर आता जवळपास दोन वर्षांनी गणेश वाघमोडेची अज्ञातांनी धारदार शस्त्रांनी वार करत खून केल्याची घटना समोर आली आहे. काल(बुधवारी) रात्री बारामती शहरातल्या जळोची येथील काळा ओढा याठिकाणी रात्री आठ वाजण्याच्या सुमारास ही घटना घडली आहे. दोन वर्षांपूर्वी गणेश वाघमोडे याने शशिकांत कारंडे यांचा खून केला होता. त्यानंतर बरोबर दोन वर्षांनीच गणेशचा खून करण्यात आला आहे. याबाबत फिर्यादी नवनाथ उत्तम चोरमले (वय ३९), यांनी शहर पोलीस ठाण्यात फिर्याद दिली आहॆ.
मिळालेल्या माहितीनुसार, गणेश वाघमोडेसह १७ वर्षे वयाच्या तीन अल्पवयीन मुलांनी शशिकांत कारंडे यांचा खून (Crime News) केल्याचे निष्पन्न झाले होते. या तिघांना बारामती शहर पोलिसांनी अटक केली होती. कारंडे यांच्या मुलगा आणि या तिघांमध्ये एका मैत्रिणी वरून वाद झाला होता. या वादानंतर कारंडे यांनी त्या मुलांना समजावले. मात्र, तोच राग मनात धरून व परिसरात दहशत निर्माण करण्यासाठी या तिघांनी कारंडे यांचा धारदार शास्त्राने खून केल्याचे तपासात निष्पन्न झाले होते. त्या घटनेला २ वर्ष पुर्ण झाल्यानंतर आता गणेश वाघमोडेचा खून (Crime News) झाला आहे.
रेकॉर्डवरील अल्पवयीन गुन्हेगाराचे नाव
बारामती शहरच्या जवळत असलेल्या जळोची येथे राहणाऱ्या गणेश नावाच्या अल्पवयीन गुन्हेगाराचा अज्ञात हल्लेखोरांनी खून केला आहे. काल बुधवारी रात्री साडे नऊच्या सुमारास जळोची नजीक असलेल्या काळा ओढा परिसरामध्ये ही घटना घडली आहे. गणेश धुळाबापू वाघमोडे (वय १७ वर्ष) असं खून झालेल्या रेकॉर्डवरील अल्पवयीन गुन्हेगाराचे नाव आहे. अज्ञात हल्लेखोरांनी अल्पवयीन गुन्हेगार गणेश वाघमोडे याच्या डोक्यात घाव घालून त्याचा खून (Crime News) केला आहे.
याप्रकरणी बारामती शहर पोलीस ठाण्यात सहा आरोपींच्या विरोधात गुन्हा दाखल करण्यात आला आहे. या घटनेतील खून झालेला अल्पवयीन गुन्हेगार गणेश वाघमोडे हा रेकॉर्डवरील गुन्हेगार असून जुन्या भांडणाच्या कारणातून हा खून झाल्याचं बारामतीचे उपविभागीय पोलीस अधिकारी सुदर्शन राठोड यांनी सांगितले आहे. याप्रकरणी पोलिसांची पाच तपास पथके काल रात्रीच तैनात केली असून आरोपींचा पोलीस शोध घेत आहेत.
महत्त्वाच्या बातम्या
ट्रेंडिंग न्यूज
