Pune Crime Bhondu Baba: ...म्हणून तुमच्या मुली बऱ्या होत नाहीयेत, IT इंजिनिअर अन् शिक्षक पत्नीला भोंदूबाबनं कसं लुटलं, त्याच पैशांनी कोथरूडमध्ये विकत घेतला अलिशान बंगला
Pune Bhondu Baba: पती-पत्नीने आपल्या दोन लहान मुली बऱ्या होतील या अपेक्षेने भोंदूबाबा आणि त्याच्या शिष्या जे सांगितील ते सर्व करत गेले.
पुणे: पुण्यात एका आयटी अभियंत्याला (IT Engineer) त्याच्या दोन्ही मुलींना बरं करण्याच्या आमिषाने तब्बल १४ कोटी रुपयांना भोंदू बाबाने गंडा घातल्याचा धक्कादायक प्रकार उघडकीस आला आहे. शंकर महाराज त्यांच्या अंगात येतात आणि ते कोणताही आजार बरा करू शकतात, असा दावा करून या भोंदू बाबाने (Pune Bhondu Baba) पीडित दांपत्याची दिशाभूल केली. दिपक डोळस असे फसवणूक झालेल्या आयटी अभियंत्याचे नाव असून, त्यांची पत्नी शिक्षक आहे. या दाम्पत्याची कोट्यावधींची फसवणूक (Pune Bhondu Baba)झाल्याचा प्रकार समोर येताच खळबळ उडाली आहे. या दांपत्याने आपल्या आयुष्यभराची बचत आणि इंग्लंडमधील घर,फार्म हाऊस देखील गमावले आहे. या प्रकरणातील मुख्य आरोपीचे नाव दिपक खडके असून, त्याला त्याची शिष्या वेदिका पंढरपुरकर हिने फसवणुकीत साथ दिल्याचे समोर आले आहे. या दोघांनी एकत्र येऊन डोळस दांपत्याला आध्यात्मिक शक्ती आणि उपचारांच्या नावाखाली जाळ्यात ओढले. कोट्यवधी रुपयांच्या फसवणुकीमुळे पुणे शहरात खळबळ उडाली आहे.(Pune Bhondu Baba)
Pune Bhondu Baba: राहत्या घरावरही कर्ज, फसवणूक करून घेतला अलिशान बंगला
या पती-पत्नीने आपल्या दोन लहान मुली बऱ्या होतील या अपेक्षेने भोंदूबाबा आणि त्याच्या शिष्या जे सांगितील ते सर्व करत गेले. मात्र मुली बऱ्या होत नाहीत असं लक्षात आल्यावर त्यांनी पुन्हा दिपक खडके आणि वेदिका पंढरपुरकर यांच्याकडे विचारणा केली असता त्यांनी त्यांच्या राहत्या घरात दोष असल्याचे सांगितले. मात्र आता राहण्यासाठी एकमेव घर उरले असल्याचं डोळस यांनी सांगितले आणि घर विकण्यास असमर्थता दर्शवली. त्यानंतर डोळस यांना ते घर तारण ठेऊन घरावर लोन काढण्यास सांगण्यात आलं. त्यानंतर पर्सनल लोन देखील काढायला लावलं. हा सगळा पैसा राजेंद्र खडके आणि वेदिका पंढरपुरकर यांनी हडपला आणि त्या पैशातून कोथरुड येथील महात्मा सोसायटीत आलीशान बंगला खरेदी केला आहे. या सगळ्या प्रकाराबद्दल वेदिका पंढरपुरकरशी संपर्क करण्याचा आम्ही प्रयत्न केला. एबीपी माझाची टीम त्यांच्या महात्मा सोसायटीतील आकाशदिप या बंगल्यात पोहचली. या बंगल्यात अनेक कर्मचारी उपस्थित होते. मात्र या कर्मचार्यांनी वेदिका आणि त्यांचे पती कुनाल तुम्हाला भेटु इच्छित नाहीत असं सांगितलं.
Pune Bhondu Baba: अंगात शंकर महाराज येतात अशी अॅक्टींग
वेदिकाच्या अंगात शंकर महाराज येतात आणि ते सांगतील तसं लागलं पाहिजे असा दावा करुन दिपक डोळस यांना त्यांच्या कोट्यावधींच्या मालमत्ता विकण्यास भाग पाडण्यात आलं. विशेष म्हणजे हे सर्व पैसे आरटीजीएसने राजेंद्र खडके आणि वेदिका पंढरपुरकर यांनी त्यांच्या बॅंक खात्यांवर वळते करुन घेतले. २०१८ पासुन हा प्रकार सुरु होता. दिपक डोळस, त्यांची पत्नी दोन मुलींना राजेंद्र खडकेच्या दरबारात नेण्यात आले. तिथे वेदिका पंढरपुरकर हीने तीच्या अंगात शंकर महाराज येतात अशी अॅक्टींग केली. त्यानंतर तुमच्याकडे संपत्ती ठेवल्यास तुम्हाला येतील असे सांगून बॅंकेतील सर्व पैसे आणि ठेवी वेदिका यांच्या खात्यात वळत्या करायला लावल्या.
Pune Bhondu Baba: इंग्लंडमधील घर, फार्म हाऊस त्यांना विकायला लावलं
मात्र तरीही डोळस यांच्या मुली बऱ्या न झाल्याने त्यांनी खडके आणि पंढरपुरकर यांच्याकडे विचारणा केली असता त्यांनी तुमच्या घरात दोष आहेत असं सांगितलं. डोळस हे काही वर्ष इंग्लंडमध्ये नोकरी करत होते. त्यामुळे त्यांचं इंग्लंडमध्ये देखील घर होतं आणि फार्महाऊस खरेदी केले होते. ते इंग्लंडमधील घर आणि फार्म हाऊस त्यांना विकायला लावण्यात आलं आणि ते पैसे पंढरपुरकर यांच्या खात्यात वळते करण्यात आले. त्यानंतर डोळस यांना त्यांचा पुण्यातील प्लॉट आणि फ्लॅट विकण्यास सांगण्यात आलं आणि ते पैसे देखील हडप करण्यात आले.
महत्त्वाच्या बातम्या
