Prakash Ambedkar : ओबीसी समाज श्रीमंत मराठ्यांविरोधात जाऊ नये, हाच शरद पवारांच्या मंडल यात्रेचा हेतू; प्रकाश आंबेडकरांचा आरोप
Prakash Ambedkar: श्रीमंत मराठा हा एनसीपीचा ( NCP) बेस आहे. श्रीमंत मराठ्यांच्या विरोधात ओबीसी जाणार नाही, हाच या पाठीमागचा राजकीय हेतू आहे. असा आरोप प्रकाश आंबेडकरांनी केला आहे.
Prakash Ambedkar on Sharad Pawar : राष्ट्रवादी काँग्रेस शरदचंद्र पवार पक्षाच्या वतीने राज्यात मंडल यात्रा काढण्यात येत आहे. क्रांती दिनाचे औचित्य साधत नागपुरातून सुरू केलेल्या मंडल यात्रेला ज्येष्ठ नेते शरद पवार (Sharad Pawar) यांनी नागपूरमध्ये हिरवा झेंडा दाखवून सुरुवात केली. दरम्यान, शरद पवार यांनी काढलेल्या मंडल यात्रेवर महायुती आणि भाजपनं सडकून टीका केली टीका केली आहे. अशातच या यात्रेवरून वंचित बहुजन आघाडीचे सर्वेसर्वा प्रकाश आंबेडकर (Prakash Ambedkar) यांनी टीका करत गंभीर आरोप केले आहेत.
विलासराव देशमुख मुख्यमंत्री असताना ओबीसींच्या स्कॉलरशिपला राष्ट्रवादीकडून विरोध करण्यात आला होता. ओबीसी हा श्रीमंत मराठ्यांच्या विरोधात जातोय, श्रीमंत मराठा हा एनसीपीचा ( NCP) बेस आहे. श्रीमंत मराठ्यांच्या विरोधात ओबीसी जाणार नाही, हाच या पाठीमागचा राजकीय हेतू आहे. असा आरोप प्रकाश आंबेडकरांनी केला आहे. ओबीसींच कल्याण हा या यात्रेचे हेतू नाही. तर मागच्या निवडणुकांमध्ये ओबीसी भाजपकडे झुकला, यात दुमत नाही. मात्र आता ओबीसींच्या लक्षात आले एक नागनाथ आहे आणि दुसरा साधनाग आहे. अशी बोचरी टीका हि त्यांनी केलीय.
किती खोटं बोलावं याला एक सीमा असते- प्रकाश आंबेडकर
शरद पवार यांचा 160 जागा संदर्भांतला दावा म्हणजे वराती पाठीमागून घोडं असं आहे. आम्ही यापूर्वी या सगळ्या पक्षांना म्हणालो होतो की आपण सगळेजण मिळून कोर्टात जाऊ. त्यावेळी कोणीही आमच्या सोबत आलं नाही. कोर्ट एकमेव व्यासपीठ आहे ज्या ठिकाणी दूध का दूध आणि पाणी का पाणी होतं. त्यावेळी त्यांनी ते केलं नाही. आता बोंबलत बसतात, अशी परिस्थिती आहे. शरद पवार असे म्हणतात आम्ही राहुल गांधींना भेटायला गेलो, नाव विचारले तर म्हणतात आम्हाला आठवत नाही. किती खोटं बोलावं याला एक सीमा असते. अशी टीका हि प्रकाश आंबेडकर यांनी केलीय.
हा दावा मी खोटं म्हणणार नाही, अशी लोक बाजारामध्ये आहेत- प्रकाश आंबेडकर
राहुल गांधी विरोधी पक्ष नेते आहेत. त्यांच्याकडे कोण येतो, कोण जातं याची नोंद ठेवली जाते. शरद पवारच्या दोघांना घेऊन गेले त्यांची एन्ट्री राहुल गांधीच्या घरी असणार. शरद पवारांसोबत दोन माणसं कोण होती, त्यांची नावे जाहीर करू शकता, सामान्य माणसाला फसवू शकता. हा दावा मी खोटं म्हणणार नाही, अशी लोक बाजारामध्ये आहेत. मी 2004 पासून बोलतोय हे मेनूप्लेट होतंय. असेही ते म्हणाले.
राज्यात ओबीसी कार्ड
'मंडल' यात्रेच्या माध्यमातून शरद पवारांचा पक्ष राज्यात ओबीसी कार्ड खेळण्याच्या तयारीत आहे. 1990 साली भाजपने या अहवालाला विरोध केला होता हे बिंबण्याचा प्रयत्न सुद्धा शरद पवारांचे नेते या निमित्ताने करत आहेत. भाजपसोबत खंबीरपणे उभा असलेल्या, त्यांच्या राजकारणाचा डीएनए बनलेल्या ओबीसी समाजाला आपल्याकडे आकर्षित करण्याचा हा प्रयत्न मानला जात आहे.
महाराष्ट्रात 1992 नंतर शरद पवारांच्या कार्यकाळात मंडल आयोग लागू झाला हे सांगण्यासाठी त्यांच्या राष्ट्रवादीने हा उपक्रम हाती घेतला आहे. ही यात्रा 52 दिवस राज्यातील कानाकोपऱ्यात फिरणार असून शरद पवार यांनी मागच्या 50 वर्षात महाराष्ट्रातील ओबीसी समाजासाठी काय केले, हे सांगण्यात येणार आहे. शरद पवारांच्या हस्ते हिरवा झेंडा दाखवून नागपूरमधून मंडल यात्रेला सुरुवात झाली.
आणखी वाचा
महत्त्वाच्या बातम्या
