मुंबईत डान्सबार, 22 बारबाला; गृहराज्यमंत्री कदम म्हणाले, खोटे कागदपत्र दाखवून माझ्या आईची बदनामी केली

जिओ टॅग लावून फोटो काढलेले आहेत. अक्षांश रेखांश काढून अनिल परब यांनी फोटो काढलेले अहेत. परमिट रूम संदर्भात सगळी कागदपत्रे देखील दिलेली आहेत.

Yogesh kadam clarify of dance bar

Source : Abp

मुंबई : राज्याचे गृहराज्यमंत्री योगेश कदम (Yogesh kadam) यांच्या आईंच्या नावाने मुंबईत डान्स बार असल्याचा गंभीर आरोप विधानपरिषदेतील आमदार आणि शिवसेना उबाठा पक्षाचे नेते अनिल परब (anil parab) यांनी केला होता. त्यानंतर, विरोधी पक्षनेते अंबादास दानवे (Ambadas danve) यांनीही यावरुन गृहराज्यमंत्री योगेश कदम यांच्यावर कारवाई करत, त्यांच्या राजीनाम्याची मागणी केली होती. आता, या आरोपांवर मंत्री योगेश कदम यांनी भूमिका मांडली असून माझ्यावरील आरोप राजकीय द्वेषापोटी असून आरोप खोटे कसे आहेत, हे मी पुराव्यानिशी देईन, असे म्हटले आहे. 

जिओ टॅग लावून फोटो काढलेले आहेत. अक्षांश रेखांश काढून अनिल परब यांनी फोटो काढलेले अहेत. परमिट रूम संदर्भात सगळी कागदपत्रे देखील दिलेली आहेत. या प्रकरणी चौकशी करावी. जो न्याय तलाट्याला तोच न्याय योगेश कदम यांना लावायला हवा एकीकडे लाडक्या बहिणीचा तुम्हाला आशीर्वाद आहे आणि दुसरीकडे तुम्ही आया बहिणींना डान्सबारमध्ये नाचवता? आजच्या आज गृह राज्यमंत्री यांचा राजीनामा घ्यावा, अशी मागणी देखील विधानपरिषदेत करण्यात आली होती. अजित दादा तुम्ही योग्य ती कारवाई कराल, जे मुख्यमंत्री आज कारभार सांभाळतात त्यांनी गृहराज्यमंत्री यांचा राजीनामा घेतला पाहिजे. जर कारवाई झाली नाही तर सरकारचा पाठींबा आहे, हे सिद्ध होईल, असे देखील अनिल परब म्हणाले. सध्या शरमेने मान खाली जात आहे. गृहराज्यमंत्र्यांकडून कायदे तुडवले जातं असतील तर मुख्यमंत्र्यांच्या कामावर प्रश्न आहे, असा हल्लाबोलही आमदार अनिल परब यांनी केला होता. आता, योगेश कदम यांनी यावर आपली प्रतिक्रिया दिली आहे. 

खोटे कागदपत्रे दाखवून आईची बदनामी

माझ्यावर हेतू-परस्कर हे आरोप करण्यात आले आहेत, या मागे राजकारण आहे. त्यांनी केलेले आरोप कसे खोटे आहेत हे मी पुराव्यानीशी देईन, असे मंत्री योगेश कदम यांनी म्हटले. खोटे कागदपत्र दाखवून माझ्या आईची बदनामी केली, वेळ आल्यानंतर मी ते दाखवीन असेही योगेश कदम यांनी म्हटलं आहे. 

माहिती अधिकारातून मिळालेली माहिती - परब

वाळू उपसा करून कशा प्रकारे योगेश कदम यांच्या घरात जाते हे मी दाखवून दिलं आहे. सावली डान्सबारचं परमिट योगेश कदम यांच्या आईच्या नावे आहे. मी जी बाब समोर आणली आहे, ती एफआयआरमध्ये दिलेली आहे. मी कागदपत्रे सभागृहात दिलेली आहेत, मी दिलेली कागदपत्रे ही माहितीच्या अधिकारातील आहेत, असेही आमदार अनिल परब यांनी म्हटले. 

तलाठ्याला जो न्याय तो योगेश कदमांना लावा

जिओ टॅग लावून फोटो काढलेले आहेत. अक्षांश-रेखांश काढून अनिल परब यांनी फोटो काढलेले आहेत. परमिट रूम संदर्भात सगळी कागदपत्रे देखील दिलेली आहेत. या प्रकरणी चौकशी करावी. जो न्याय तलाठ्याला तोच न्याय योगेश कदम यांना लावायला हवा, असे विरोधी पक्षनेते अंबादास दानवे यांनी म्हटलं आहे. 

हेही वाचा