Sanjay Raut on Devendra Fadnavis: "मर्द शिवसैनिक आहे, घाबरण्याचा प्रश्नच नाही" फडणवीसांच्या टीकेला राऊतांचं प्रत्युत्तर

Sanjay Raut on Devendra Fadnavis: देवेंद्र फडणवीस यांच्या पेन ड्राईव्ह बॉम्बनंतर महाराष्ट्रात राजकारण चांगलंच तापलंय.

sanjay_raut

Sanjay Raut on Devendra Fadnavis: देवेंद्र फडणवीस यांच्या पेन ड्राईव्ह बॉम्बनंतर महाराष्ट्रात राजकारण चांगलंच तापलंय. विशेष म्हणजे फडणवीस यांना पोलिसांनी पाठवलेल्या नोटीस नंतर भाजप आक्रमक झाली असून आज राज्यात अनेक ठिकाणी आंदोलन करण्यात आलं. याचदरम्यान शिवसेना खासदार आणि संजय राऊत यांच्यात चांगलीच जुंपली आहे. मी चौकशीसाठी तयार असून संजय राऊत रोज घाबरून पत्रकार परिषद घेत आहेत, असं फडणवीसांनी म्हटलं होतं. यावर संजय राऊतांनी ट्वीटरच्या माध्यमातून प्रतिक्रिया दिली आहे. 

विरोधी पक्षनेते देवेंद्र फडणवीस यांच्या ऐकण्यात व पहाण्यात काही तरी दोष निर्माण झालाय. संजय राऊत  मर्द शिवसैनिक आहे. घाबरण्याचा प्रश्नच नाही. केंद्रीय तपास यंत्रणा किती खोटे पणाने कारवाया करतात याचा पोलखोल करण्यासाठी मी दोन पत्रकार परिषद घेतल्या.पुराव्यासह. इतकेही खोटे बोलू नका, अशा आशयाचं संजय राऊतांनी ट्वीट केलं आहे. 

संजय राऊतांचं ट्वीट-

फडणवीस काय म्हणाले?
संजय राऊतांनी फडणवीसांच्या चौकशीआधी एक ट्विट केलं होतं. ज्यात संजय राऊतांनी फडणवीसांना तुम्ही का घाबरताय? असा प्रश्न उपस्थित केला होता. यावर फडवीसांनी प्रतिक्रिया देत संजय राऊतांना टोला लगावला होता. “मी त्यांनाच विचारतोय की, मी तर मोकळेपणाने म्हटलं मी चौकशीसाठी तयार आहे. संजय राऊत रोज घाबरून पत्रकार परिषद घेत राहतात. रोज केंद्रीय यंत्रणांवर आरोप करतात. मी स्वत:हून म्हटलं मी चौकशीला यायला तयार आहे. त्यांच्यात आहे का हिंमत हे बोलायची? ते रोज ‘मला का बोलावलं’ म्हणत राहतात”, असं फडणवीस म्हणाले.

हे देखील वाचा-

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha